အီရန်နိုင်ငံ အက်စစ်အမှု

အီရန်အမျိုးသမီးတစ်ဦး အက်ဆစ်ဖြင့် အပက်ခံရသဖြင့် မျက်စိကွယ်သွားခဲ့ရသောဖြစ်ရပ်တွင် ကျူးလွန်သူ အမျိုးသားမှာ အီရန်နိုင်ငံ ဥပဒေအရ သူ့မျက်စေ့ကိုလည်း အက်စစ်ချပြီး ကန်းအောင်ပြုလုပ်အပြစ်ပေးခံရမည်ဖြစ်ရာ မျက်စိကွယ်သွားသော အမျိုးသမီးက သူ့ကိုပြုလုပ်ခဲ့သူကို ခွင့်လွှတ်ကြောင်း နိုင်ငံပိုင် ရုပ်သံဝက်ဆိုဒ်တွင်ဖေါ်ပြထားသည်။
မာဂျစ်မိုဗာဟေဒီဆိုသူက တက္ကသိုလ်တွင် အတန်းဖေါ် ဘာရာမီအား အကြိမ်ကြိမ်လက်ထပ်ခွင့်တောင်းခံခဲ့သော်လည်း ဘာရာမီက လက်မခံသဖြင့် မျက်နှာကို အက်ဆစ်ဖြင့်ပက်ခဲ့ရာ ဘာရာမီ မျက်စိကွယ်ခဲ့ရသည်။ ထိုပြစ်မှုအတွက် မာဂျစ်ကို ကိုရမ်ကျမ်းလာ ကီဆက် (qesas) ဥပဒေအရမျက်စိ သူ့မျက်လုံးများကိုလည်း အက်စစ်ချကန်းစေရန် ၂၀၀၉ ခုနှစ် ဖေဖေါ်ဝါရီလအတွင်းက တရားရုံးမှ အမိန့်ချမှတ်ခဲ့သည်။
“အေမန်နီဘာရာမီက သူ့ကိုမျက်စိကန်းအောင်လုပ်ခဲ့တဲ့ သူကို ခွင့်လွှတ်ကြောင်းနဲ့ အပြစ်မယူဖို့တောင်းပန်ခဲ့တယ်။” ဟု ဝက်ဆိုဒ်တွင်ဖေါ်ပြထားသည်။
ထို့ကြောင့် မိုဗာဟေဒီ၏ မျက်စေ့များကို ဖေါက်ထုတ်အပြစ်ပေးခြင်းကို တရားရုံးကအမိန့်ထုတ်ခဲ့သည်။

ဘာရာမီက ISNA သတင်းဌာနသို့ပြောကြားရာတွင် ကိုရမ်ကျမ်းတွင် ဘုရားသခင်က မျက်လုံးတစ်လုံးအတွက် မျက်လုံးတစ်လုံးချင်း “ကီဆက်” ဖြစ်ရမည်(qesas) ဟု မိန့်ကြားထားသော်လည်း ခွင့်လွှတ်ခြင်းမှာ ကီဆက်ထက်သာလွန်မွန် မြတ်ကြောင်း ဆိုသဖြင့် သူမအနေနှင့် သူ့ကို ခွင့်လွှတ်လိုက်ကြောင်းပြောကြားခဲ့သည်။
“ကျွန်မကို အက်ဆစ်နဲ့ ပက်ခဲ့တဲ့ သူကို ကီဆက်ဥပဒေအတိုင်း အပြစ်ပေးနိုင်ဖို့ ခုနှစ်နှစ်လုံးလုံးကျွန်မ ကြိုးစားခဲ့ရတယ်။ ဒါပေမယ့် ဒီကနေ့တော့ ကျွန်မခွင့်လွှတ်ဖို့ ဆုံးဖြတ်လိုက်ပါပြီ။” ဟု ဆို၏။
“ကျွန်မတိုင်းပြည်အတွက်လည်း ကျွန်မလုပ်ခဲ့တာပါ။ ဘာကြောင့်လဲ ဆိုတော့ အခြားနိုင်ငံတွေ အားလုံးက ကျွန်မတို့ဘာ လုပ်မလဲဆိုတာကို စောင့်ကြည့်နေကြတာပါ။ ”

တီဟီရန်တရားရုံးအစိုးရရှေ့နေ အာဘက်စ်ဂျဖာရီဒိုလာတာဘာဒီ က ဘာရာမီ၏ ဆုံးဖြတ်ချက်ကို ကြိုဆိုခဲ့သော်လည်း တရားဥပဒေအတိုင်း တရားခံမျက်လုံးများကို အက်စစ်ချ အပြစ်ပေးရမည်ပင်ဖြစ်ကြောင်း ပြောကြားခဲ့သည်။
“ဒီနေ့ပဲ မာဂျစ်မိုဗာဟေဒီကို ဆေးရုံမှာ မျက်လုံးအထူးကုတွေနဲ့ တရားရုံးက တာဝန်ရှိကိုယ်စားလှယ်တွေရှေ့မှောက်မှာပဲ မျက်လုံးကို ကန်းသွားအောင် အက်စစ်ချတော့မယ့် အချိန်မှာပဲ အေမန်နီက တောင်းဆိုခဲ့တာပါ။” ဟု ဒိုလာတာဘာတီက ISNA သတင်းဌာနသို့ပြောပြခဲ့သည်။
“ဒါပေမယ့် အေမန်နီက သူ့ရဲ့ထိခိုက်ဒဏ်ရာရခဲ့မှုအတွက် လျော်ကြေးတောင်းခံပါတယ်။”
“တရားရုံးကလည်း အမှုကိုကောင်းစွာစီရင်ချက်ချခဲ့ပါတယ်။ အေမန်နီရဲ့ ခွင့်လွှတ်ခြင်းအပေါ်ကိုလည်း အလေးအနက် ထားပါတယ်။” ဟု သူက ဆက်လက်ပြောကြားခဲ့သည်။

မေလလယ်ခန့်က အာမန်သတင်းစာမှ ဖေါ်ပြခဲ့သော သတင်းတစ်ပုဒ်တွင် ဘာရမီက “ကျွန်မရဲ့ ဘဝနဲ့ ရှေ့ရေးအတွက် ယူရိုငွေ နှစ်သန်းလိုချင်ပါတယ်။ ဒီပိုက်ဆံတွေနဲ့ ကုသဖို့ အတွက် မဟုတ်ပါဘူး။” ဟု ဆိုကြောင်း ဖေါ်ပြခဲ့သည်။
“ကျွန်မအနေနဲ့ မာဂျစ်ကို ခွင့်လွှတ်ပါတယ်။ ဒါပေမယ့် သူတို့ကတော့ အပြစ်ပေးစရာရှိတာ ဆက်လက်ပြုလုပ်သွားမယ် လို့ ပြောပါတယ်။”
ဘာရာမီ၏ မိခင်ကလည်း သူမသမီး၏ ခွင့်လွှတ်တတ်ခြင်းအတွက် ဂုဏ်ယူကြောင်း တနင်္ဂနွေနေ့က ISNA သတင်းတွင်ဖေါ်ပြခဲ့ သည်။

အပြည်ပြည်ဆိုင်ရာ လွတ်ငြိမ်းချမ်းသာခွင့် အဖွဲ့ကြီးက အီရန်နိုင်ငံ၏ ရက်စက်ကြမ်းကြုတ်သော တရားစီရင်ရေးစံနစ်ကို ပြုပြင် ပြောင်းလဲရန်လိုအပ်လျက်ရှိကြောင်း၊ နှိပ်စက်ညှဉ်းပမ်းအပြစ်ပေးခြင်းကို နိုင်ငံတကာ ဥပဒေများအရ တားမြစ်ထားကြောင်း တနင်္ဂနွေက ကြေငြာချက်ထုတ်ပြန်ခဲ့သည်။
အီရန် အစ္စလာမ်ရှာရီရာ ဥပဒေအရ လူသတ်မှုများ၊ ရည်ရွယ်ချက်ရှိရှိဖြင့် ကိုယ်လက်အင်္ဂါချို့ယွင်းအောင်ကျူးလွန်မှုများအတွက် လက်စားချေရေးဥပဒေကို ခွင့်ပြုထားသည်။

မိုဗာဟေဒီနှင့် တွေ့ဆုံခဲ့စဉ် ၂၀၀၂ ခုနှစ်တွင် ဘာရာမီသည် အသက် ၂၄ နှစ်ရှိပြီး အက်စစ်ဖြင့်အပက်ခံရသော ဒဏ်ရာများကို စပိန်နိုင်ငံတွင် နှစ်ပေါင်းအတန်ကြာကုသခဲ့ရသည်။ မျက်လုံးနှစ်ဘက်စလုံးကန်းသွားခဲ့ပြီး မျက်နှာနှင့်ကိုယ်ခန္ဓာတွင် ဒဏ်ရာများ ရှိနေဆဲဖြစ်သည်။ လွန်ခဲ့သော နှစ်အနည်းငယ်အတွင်း အက်စစ်ဖြင့်ပက်မှုအများအပြား အီရန်နိုင်ငံတွင်ဖြစ်ပွားခဲ့သည်။

သတင်းစာများကလည်း ဘာရာမီကိုစာနာထောက်ထားမှုဖြင့် သတင်းများရေးသားဖေါ်ပြကြပြီး သူမအက်စစ်ဖြင့် အပက်မခံရမီပုံ နှင့် အပက်ခံရပြီး ရုပ်ပျက်သွားပုံများကိုလည်း ဖေါ်ပြကြသည်။

၂၀၁၀ ဒီဇင်ဘာလ အတွင်းက မိမိမယား၏ လင်ငယ်ကို အက်စစ်ဖြင့်ပက်ကာ မျက်စိကန်းအောင် ပြုလုပ်ခဲ့သော ကျူးလွန်သူ တစ်ဦးကို အီရန်တရားရုံးချုပ်က ကီဆက် အမိန့်ချမှတ်ခဲ့သည်။ သို့သော် စီရင်မှုပြုခြင်းရှိ၊ မရှိသေးကိုမူ မသိရှိရသေးပေ။

Source: Al Jazeera

Posted in: အရှေ့ အလယ်ပိုင်း