ကွန်ပျူတာကို အသုံးပြု၍ နိုင်ငံရေးအခြေအနေများကို ဟောကိန်းထုတ်နိုင်ရန် ပညာရှင်များစမ်းသပ်

စူပါ ကွန်ပျူတာ တစ်လုံးကို သတင်းအချက် အလက်များ စုစည်း ထည့်သွင်းကာ ယင်းသတင်းများ အပေါ်အခြေတည် တွက်ချက်စေပြီး ကမ္ဘာပေါ်တွင် ဖြစ်ပွားနေသော အရေးကြီးသော အဖြစ်အပျက်များအကြောင်းကို ကြိုတင် ဟောကိန်း ထုတ်ပေးနိုင်ကြောင်း အမေရိကန် သုတေသီများ
တွေ့ရှိခဲ့ကြသည်။

ယင်းလေ့လာမှုကို လစ်ဗျားနှင့် အီဂျစ်တွင်ဖြစ်ပွားခဲ့သော လူထုတော်လှန်ရေး အဖြစ်အပျက်များမှ သတင်းပုဒ်ရေပေါင်း သန်းနှင့်ချီ၍ ထည့်သွင်း လေ့လာခဲ့ခြင်းဖြစ်သည်။

သုတေသီများက ဖြစ်ပျက်ခဲ့ပြီးဖြစ်သော အဖြစ်အပျက်များကို လေ့လာ သုံးသပ်ခဲ့ကြပြီး နောက်ဖြစ်ပွားလာမည့် ပြဿနာများကို ယင်းနည်းအတိုင်း အဖြေထုတ်သွားနိုင်မည်ဟု သိပ္ပံပညာရှင်များက ဆိုသည်။

စူပါ ကွန်ပျူတာ အကူအညီဖြင့် အိုစမာ ဘင်လာဒင် တည်ရှိနေနိုင်သည့် နေရာကို သဲလွန်စရရှိခဲ့သည်။
အီလီနွိုက်စ်တက္ကသိုလ် လူ့အဖွဲ့အစည်း၊ အနုပညာနှင့် လူမှုသိပ္ပံ တွက်ချက် အဖြေထုတ်ခြင်းဌာနမှ ကာလက်ဗ်လီတာရူးက သူ့တွေ့ရှိမှုအကြောင်းကို First Monday ဂျာနယ်တွင် ဖေါ်ပြခဲ့သည်။

လေ့လာမှုပြုရာ၌ အမေရိကန်အစိုးရပိုင် Open Source Centre နှင့် BBC Monitoring ဌာနတို့မှ လိုအပ်သော သတင်းအချက် အလက်များကို ရယူခဲ့သည်။ အွန်လိုင်း နယူးယောက်တိုင်းမ်စ် သတင်းစာ၏ ၁၉၄၅ ခုနှစ်မှစ၍ သိမ်းဆည်းထားသော သတင်းများ အပေါ်တွင်လည်း လေ့လာမှု ပြုခဲ့ကြောင်းဆိုသည်။
စုစုပေါင်း သတင်းဆောင်းပါးပေါင်း သန်း ၁၀၀ ကျော် စုစည်းလေ့လာခဲ့ကြောင်း မစ္စာလီတာရူးက ပြောသည်။

သတင်းများကို အဓိကအားဖြင့် ပုံစံနှစ်မျိုး ခွဲ၍ လေ့လာ ဆန်းစစ်ခဲ့သည်။ သတင်းအနှစ်အသားဟု ခေါ်ဆိုရမည့် သတင်းကောင်း ဖြစ်သလော၊ သတင်းဆိုး ဖြစ်သလော ဆိုသည့် အချက်နှင့်၊ မည်သည့် နေရာတွင် ဖြစ်ပွားခဲ့သနည်း၊ ပူးတွဲ ဖြစ်ပွားသည့် အဖြစ်အပျက်များသည်လည်း မည်သည့်နေရာတွင် ဖြစ်ပွားကြသနည်း ဟူသည့် အချက်များပေါ်တွင် ခွဲခြမ်းစိတ်ဖြာခဲ့သည်။

“ဆိုးဝါးခြင်း” “စိတ်ပျက်ဖွယ်” သို့မဟုတ် “ကောင်းပါတယ်” စသည့် သတင်းစာ ကိုယ်တွင်း ပါဝင်လေ့ရှိသည့် စကားလုံးများ အပေါ် မူတည်၍ သတင်းကောင်း၊ သတင်းဆိုးစသည့် အနှစ်ကိုဖေါ်ပြသည်။

မည်သည့်နေရာတွင် ဖြစ်ပွားသနည်းဆိုသည့် အချက်ကိုမူ တည်နေရာ ပုံရိပ်ဖေါ်စံနစ်များ သုံး၍ ရှာဖွေပေးသည်။ ဥပမာ “ကိုင်ရို” ဟူသော စကားလုံးအတွက် မြေပုံပေါ်တွင် ရှာဖွေနိုင်မည့် တည်နေရာ မျဉ်းများအဖြစ် ပြောင်းလဲ သတ်မှတ်ပေးသည်။

သတင်းတစ်ပုဒ်တွင် ပါဝင်သည့် အချက်အလက်များအား အသုံးပြု၍ ကွန်ယက်ပေါင်း ၁၀၀ ထရီလီယံပါဝင်သော ကွန်ယက်ကြီး တစ်ခုကို ဖန်တီးနိုင်သည်။

သတင်းအချက်အလက်များကို SGI Altix စူပါ ကွန်ပျူတာ အတွင်းသို့ ထည့်သွင်းပေးခဲ့သည်။ ယင်းကွန်ပျူတာကို Nautilus (ကမာကောင်) ဟုလည်း ခေါ်တွင်ပြီး အမေရိကန် တန်နက်ဆီ တက္ကသိုလ်တွင် ထားရှိသည်။

ကွန်ပျူတာ၏ 1024 Intel Nehalem ဗဟိုတွက်ချက်မှုစံနစ်စွမ်းအားသည် ၈.၂ တာရာဖလော့ (တစ်စက္ကန့်အတွင်း တွက်ချက်လုပ်ဆောင်မှုပေါင်း တစ်ထရီလီယံ) ရှိသည်။

သက်ဆိုင်ရာအချက်အလက်များကို ထည့်သွင်းခြင်းအားဖြင့် ကွန်ပျူတာမှ အာရပ်အုံကြွမှုဖြစ်ပွားခဲ့သောနိုင်ငံများနှင့် သက်ဆိုင် သော ဂရပ်မျဉ်းများပုံဖေါ်ပေးခဲ့သည်။

ဖြစ်ရပ်တစ်ခုခြင်းစီအတွက် နိုင်ငံတွင်းနိုင်ငံပမှ သတင်းများကိုအခြေပြု၍တွက်ချက်ရာတွင် အတော်နီးစပ်မှန်ကန်သော အခြေအနေများကို တွက်ချက်ပေးခဲ့လေသည်။

အီဂျစ်ကို တွက်ချက်ကြည့်ရာတွင် မူဘာရက်နှုတ်ထွက်ခြင်းမပြုမီတစ်လအလို တွင် ဂရပ်မျဉ်းများ အားနည်းသွားသည်။ ယင်းအဖြစ်အပျက်မျိုး ယခင်ကနှစ် ၃၀ အတွင်းနှစ်ကြိမ်သာဖြစ်ခဲ့ဖူးကြောင်းတွေ့ရှိရသည်။

နောက်ထပ်တွက်ချက်မှန်ကန်ခဲ့သော အဖြစ်အပျက်များမှာ ၁၉၉၁ ကူဝိတ်ရှိအီရတ်တပ်များကို အမေရိကန်ဗုံးကြဲမှုနှင့် ၂၀၀၃ ခုနှစ် အီရတ်ကို အမေရိကန်ကျူးကျော်တိုက်ခိုက်ခြင်းတို့ဖြစ်သည်။
ထိုအချိန်က အမေရိကန်ပြည်ထောင်စု၏ စုံစမ်းတွက်ချက်လုပ်ဆောင်ခဲ့မှုများထက် သူ့ကွန်ပျူတာက ပို၍တိကျမှန်ကန်ကြောင်း မစ္စတာ လီတာရူးက ပြောသည်။

“အဓိကအချက်ကတော့ အမေရိကန်သမ္မတက မူဘာရက်ကို လုံးဝပြင်းပြင်းထန်ထန်ထောက်ခံနေတဲ့ အချိန်ဖြစ်တယ်။ အဆိုးဆုံးအခြေအနေကို ပြောမယ်ဆိုရင်တောင် မူဘာရက်ဆက်လက်တည်တံ့နေမယ်လို့ ပဲ အဖြေထွက်တယ်။”

“အီဂျစ်နိုင်ငံကို အနှစ်သုံးဆယ်လောက်လေ့လာခဲ့တဲ့ ကျွမ်းကျင်သူတွေ ရှိတယ်။ နှစ်သုံးဆယ်အတွင်း မူဘာရက် ဘာမှ မဖြစ်ခဲ့ဘူး။ အီဂျစ်တွက်ချက်မှုပြ ဂရပ်မှာ ဒီတစ်ကြိမ်မှာတော့ မကြုံဖူးတဲ့အခြေအနေကို ပြတယ်။ ဟောဒီ အတက်အကျမျဉ်းတွေ ကိုကြည့်ပါ။

ကမ္ဘာဟာ အမှောင်ထုအောက်လျင်မြန်စွာရောက်ရှိနေတယ်လို့ ဆိုလိုတယ်။ သူ့ကိုဆန့်ကျင်တဲ့အင်အားက အရမ်းကောင်းလွန်းနေတယ်။ ဒီတော့ သူဆက်လက်တည်တန့်နိုင်ဖို့ မဖြစ်နိုင်တော့ဘူး။”
ယင်းသို့အလားတူ ဂရပ်ပုံစံများကို လစ်ဗျားတော်လှန်ရေးမဖြစ်မီနှင့် ၁၉၉၀ ခုနှစ်များအတွင်း ဘော်လ်ကန်ပဋိပက္ခမဖြစ်မီအချိန် တို့တွင်တွေ့ရှိရသည်။

ဆော်ဒီအာရေးဗီးယားတွက်ချက်မှုပြ ဂရပ်တွင်မူ အတက်အကျမျဉ်းများတွေ့ရှိရသော်လည်း အစိုးရကိုဖြုတ်ချပစ်နိုင်ခဲ့သောအချို့ နိုင်ငံများ၏ မျဉ်းများနှင့် မတူညီပေ။ ထို့ကြောင့် လူထုအုံကြွမှုဖြစ်ရန် အလှမ်းဝေးသေးသည်။

မစ္စတာလီတာရူးက ဘင်လာဒင်နှင့် ပတ်သက်၍ ကမ္ဘာ့စာနယ်ဇင်းများက ရေးသားပြောဆိုမှုများတွင် ဘင်လာဒင်တည်ရှိနေနိုင် သောနေရာကို ရှာဖွေနိုင်ရန် အရေးကြီးသောသဲလွန်စများ ပါဝင်နေကြောင်းဆိုသည်။

ဘင်လာဒင်သည် အာဖဂန်နစ္စတန်မှာပင် ပုန်းခိုနေနိုင်သည်ဟု အများကယုံကြည်နေသော်လည်း သတင်းများကိုစုစည်း၍ တည်နေရာပုံရိပ်ဖေါ်စံနစ်ဖြင့်တွက်ချက်ခဲ့ရာ ပါကစ္စတန်မြောက်ပိုင်းမှာပင်ရှိသည်ဟု တစ်သမတ်တည်း ညွှန်လေသည်။

၂၀၁၁ ဧပြီလအတွင်း ဘင်လာဒင်ကို အမေရိကန်တပ်များရှာဖွေမတွေ့မီထွက်ပေါ်လာခဲ့သော သတင်းတစ်ပုဒ်တည်းတွင်သာ အဘူဒါဘက်ဟူသော အမည်ကိုဖေါ်ပြထားခဲ့သည်။ သို့သော် တည်နေရာပုံရိပ်ဖေါ်စံနစ်က ၂၀၀ ကီလိုမီတာဝန်းကျင်အထိ ရှာဖွေ ရမည့် နေရာကို ချုံ့ပေးခဲ့သည်ဟု မစ္စတာလီတာရူးက ပြောသည်။

အဖြစ်အပျက်များအပေါ်ကွန်ပျူတာတွက်ချက်မှုဖြင့် ကြိုတင်ဟောကိန်းထုတ်နိုင်သည့် အနေအထားမျိုးဖြစ်သည်။

သို့သော် လေ့လာထားမှုများသည် ဖြစ်ပြီးသားအဖြစ်အပျက်များအပေါ်အခြေခံ၍ နှိုင်းယှဉ်လေ့လာထားမှုများဖြစ်သည်။ လက်ရှိဖြစ်ပျက် နေသော အဖြစ်အပျက်များကိုလည်း ယင်းနည်းအတိုင်း တွက်ချက်၍ ဟောကိန်းထုတ်နိုင်ကြောင်း မစ္စတာလီတာရူးက ပြောသည်။

“ဒီလိုဆိုရင် နောက်တစ်ဆင့်ကို သွားရပါမယ်။ Stock Ticker (မိုနိုပိုလီကဲ့သို့ကစားနည်းတစ်မျိုး) ကစားနည်းမျိုးနဲ့ တူပါတယ်။ နောက်ဆုံးပွဲပြီးခါနီးမှာ ဘယ်ကိုဦးတည်နေတယ်ဆိုတာ ခင်ဗျားသိနေတယ်။ ပြီးတော့ နောက်မိနစ်အနည်းငယ်အ တွင်းမှာပဲ ဘာတွေထပ်ပြီးဖြစ်သွားဦးမှာလဲ ဆိုတာခင်ဗျားသိချင်နေမှာပါပဲ။ စီးပွားရေးတွက်ချက်လုပ်ဆောင်မှုနဲ့ အတော်ဆင်တူပါ တယ်။ ”

ရရှိလာသောအဖြေများကို ပိုမိုတိကျမှန်ကန်သည့်ရလဒ်များဖြစ်အောင် ဆက်လက် လုပ်ဆောင်သွားမည်ဖြစ်ကြောင်း၊ အထူးသဖြင့် တည်နေရာပုံရိပ်ဖေါ်စံနစ်ကို ပိုမိုတိကျအောင် လုပ်ဆောင်မည်ဖြစ်ကြောင်း မစ္စတာလီတာရူးက ပြောသည်။

“နောက်တစ်ဆင့်က မြို့တွင်းအဆင့်ကို သွားမှာပါ။ ပြီးတော့ အုပ်စုတစ်စုချင်းစီက ဘာတွေလုပ်နေသလဲ၊ သူတို့ အချင်းချင်းကြားဘယ်လို အဆက်အစပ်တွေရှိသလဲ ဆိုတာတွေကို လေ့လာမှာဖြစ်ပါတယ်။ ”
“ဒါကို သုံးပြီးအဖြေရှာရတာ မိုးလေဝသဟောကိန်းထုတ်ရသလိုပါပဲ။ မှန်ချင်မှ မှန်မှာပါ။ ဒါပေမယ့် အကောင်းဆုံးဖြစ်အောင်တော့ လုပ်ဆောင်သွားမှာဖြစ်ပါတယ်။”

Source: BBC

Posted in: ဘာသာပြန်ဆောင်းပါး