ဝေါလ်စထရိလှုပ်ရှားမှု နိုင်ငံအဝှမ်းပျံ့နှံ့

အမေရိကန်ပြည်ထောင်စုတွင် စီးပွားရေးလုပ်ငန်းကြီးများ၏ လက်ဝါးအုပ်မှုများကို ကန့်ကွက်ဆန္ဒပြသောအားဖြင့် ဝါရှင်တန်ဒီစီ တွင် လူပေါင်းရာပေါင်းများစွာ လမ်းမပေါ်ထွက်ဆန္ဒပြလျက်ရှိပြီး မြို့လယ်ရှိ ဖရီးဒမ်းပလာဇာ တွင် နေရာယူ၍ ထိရောက်သော အပြောင်းအလဲများပြုလုပ်ပေးရန် ဆန္ဒပြတောင်းဆိုနေကြသည်။
ကြာသပတေးနေ့တွင် အလုပ်သမားသမဂ္ဂအပါအဝင် “အောက်တိုဘာ ၂၀၁၁” ဟုအမည်ပေးထားသော အဖွဲ့မှ ဦးဆောင်ပြုလုပ် သော “Stop the Machine” လှုပ်ရှားမှုအုပ်စုအဖွဲ့များပါ “ဝေါလ်စထရိ” လှုပ်ရှားမှုတွင် လူပေါင်း ၅,၀၀၀ ကျော် ပူးပေါင်းပါဝင်ခဲ့ ကြသည်။
“ဆင်းရဲသားတွေ နောက်ထပ်သီးမခံနိုင်ကြတော့ဘူး” ဟု ဝစ္စကွန်ဆင် ကပြောသည်။ ဝစ္စကွန်ဆင်သည် သဘာဝပတ် ဝန်းကျင်ထိန်းသိမ်းရေးအဖွဲ့တစ်ဖွဲ့မှ အဖွဲ့ဝင်တစ်ဦးဖြစ်သည်။ သမ္မတအိမ်ဖြူတော်အနီး “ကျွန်ုပ်တို့သည် အမေရိကန် ပြည်ထောင်စု၏ ဖွဲ့စည်းပုံအခြေခံဥပဒေကို ရေးဆွဲသူများဖြစ်သည်” ဟူသောစာတမ်းချိတ်ဆွဲထားသော စင်ပေါ်တွင် တက်ရောက် စကားပြောနေခြင်းဖြစ်သည်။
“ဖြစ်နေတာကြာပါပြီ။ ကျွန်ုပ်တို့ သီးခံနိုင်စွမ်းမရှိတော့ပါ။” ဟု မန်စကီက နားထောင်နေသောလူအုပ်ကြီး ပြောကြားခဲ့ သည်။
“ဒါအင်မတန်ကြောက်စရာကောင်းတဲ့လှုပ်ရှားမှုကြီးဖြစ်ပါတယ်။ ကျွန်စံနစ်ဖျက်သိမ်းရေးလှုပ်ရှားမှု၊ မိန်းမတွေမဲပေးခွင့်၊ လူ့အခွင့်အရေးလှုပ်ရှားမှု စတဲ့လှုပ်ရှားမှုတွေနဲ့ အတူတူပါပဲ။ ဒီလှုပ်ရှားမှုတွေလိုပဲ အခုလှုပ်ရှားမှုလည်း အနိုင်ရမှာပါ။”

ဆန္ဒပြလှုပ်ရှားမှုကို လေးရက်ခွင့်ပြုထားပြီး အမေရိကန်သမ္မတအိုဘားမားက ဝေါလ်စထရိလှုပ်ရှားမှုသည် အမေရိကန်နိုင်ငံသား တို့၏ မကျေနပ်မှုများကို ဖေါ်ပြခြင်းဖြစ်သည်ဟု ဆိုသည်။
“လူတွေဟာ ပေါက်ကွဲနေကြပါတယ်။ သူတို့ပြောနေတဲ့ အသံတွေအရ ကျွန်တော်တို့ အမေရိကန်ပြည်ထောင်စုရဲ့ ဘဏ္ဍာရေးစံနစ် ဘယ်လောက်ယိုယွင်းပျက်စီးနေသလဲဆိုတာသိရပါတယ်။” ဟု အိမ်ဖြူတော်တွင် သတင်းထောက်များအားပြော ကြားခဲ့သည်။ ထို့နောက် သူ့၏ ဒေါ်လာ ၄၄၇ ဘီလီယံတန် အလုပ်သမားဥပဒေကို အတည်ပြုပြဋ္ဌာန်းရန် တိုက်တွန်းပြောကြားခဲ့ သည်။ ယင်းဥပဒေအရ ဘဏ္ဍာရေးလုပ်ငန်းများအား ပိုမို၍ ထိန်းချုပ်သွားနိုင်မည်ဟု ဆိုသည်။
“ဒီဥပဒေကို ကန့်ကွက်မယ့် ဘယ်အထက်လွှတ်တော်အမတ်မဆို အခုလို အရေးတကြီးလိုအပ်နေတဲ့ အချိန်မှာ စီးပွားရေးတိုးတက်ကောင်းမွန်အောင်လုပ်နိုင်မယ့် ဆောင်ရွက်ချက်ကို ဘာဖြစ်လို့ ကန့်ကွက်မှာလဲ ဆိုတာ အတိအကျထောက်ပြ ရှင်းလင်းချက်ပေးဖို့လိုပါတယ်။” ဟု အိုဘားမားပြောကြားခဲ့သည်။ ယင်းဥပဒေကို ယခုလကုန်မတိုင်မီ ကွန်ဂရက်တွင် မဲခွဲဆုံး ဖြတ်မည်ဖြစ်သည်။

အောက်တိုဘာ ၁ ရက်မှစတင်၍ စိတ်တူကိုယ်တူလူများစုစည်းကာ “ဝါရှင်တန်ဒီစီကို သိမ်းပိုက်ခြင်း” လှုပ်ရှားမှုစတင်ခဲ့ပြီး လူ ၃၀ ခန့်စုစည်းကာ နေ့စဉ် မက်ဖာဆန်ရင်ပြင်သို့ ချီတက်ဆန္ဒပြလျက်ရှိသည်။ ၎င်းရင်ပြင်သည် အိမ်ဖြူတော်နှင့် လွှတ်တော်ရုံးများမှ အနီးအနားတွင်တည်ရှိသည်။

သို့သော် ကြာသပတေးနေ့တွင် “Stop the Machine” လှုပ်ရှားသူများအင်အားကောင်းလာခဲ့သည်။ ယင်းလှုပ်ရှားမှုသည် ၂၀၀၁ ခုနှစ်တွင် အာဖဂန်ကျူးကျော်စစ်ကန့်ကွက်ဆန့်ကျင်ရေးအတွက် စတင်ပေါ်ပေါက်လာခဲ့ခြင်းဖြစ်ပြီး နောက်ပိုင်း အီရတ်စစ်ပွဲဆန့် ကျင်ရေးလှုပ်ရှားမှုများလုပ်ဆောင်ခဲ့သည်။

“အဖွဲ့ပေါင်းစုံရှိနေပြီး အသံမျိုးစုံကြားရပါတယ်။” ဟု အယ်လ်ဂျာဇီယာသတင်းထောက် အလန်ဖစ်ရှာက သတင်းပေးပို့ ခဲ့သည်။
“စစ်ဆန့်ကျင်ရေးအဖွဲ့တွေ၊ ဂလိုဘယ်လိုက်ဇေးရှင်းဆန့်ကျင်ရေးအဖွဲ့တွေ၊ အရင်းရှင်စံနစ်ဆန့်ကျင်ရေးအဖွဲ့တွေ စသည်ဖြင့် အဖွဲ့စုံပါတယ်။ ဘဏ္ဍာရေးစံနစ်ကတော့ ပျက်စီးသွားပြီလို့ လူတွေကပြောနေကြပါတယ်။”

Source: Al Jazeera

Posted in: အမေရိက