ကဒါဖီသား ဆာအစ်အယ်-အစ္စလာမ်ကို ဖမ်းဆီးရမိပြီ

လစ်ဗျားခေါင်းဆောင်ဟောင်း ကဒါဖီ၏ သား ဆာအစ်အယ်-အစ္စလာမ်ကို တောင်ပိုင်း အိုဘာရီမြို့တွင် ဖမ်းဆီးရမိခဲ့ ပြီးနောက် နိုင်ငံတွင်း၌ပင် တရားမျှတစွာဥပဒေဘောင်အတွင်း၌ စီရင်ချက်ချမှတ်မည်ဟု လစ်ဗျားဝန်ကြီးချုပ်က ပြောကြားလိုက်သည်။

စနေ့နေ့ညပိုင်းတွင် ဆာအစ်အယ်-အစ္စလာမ်ကို ဖမ်းဆီးရမိခဲ့ကြောင်းတရားဝန်ကြေငြာပြီးနောက် ဝန်ကြီးချုပ် အဘ္ဘဒူရာဟင် အယ်လ်-ကီအစ်က ယခုကဲ့သို့သူ့ကိုဖမ်းဆီးမိခြင်းသည် လစ်ဗျားတော်လှန်ရေးတွင် စာမျက်နှာသစ် တစ်ရပ်ဖွင့်လှစ်လိုက်နိုင်ခြင်းဖြစ်ကြောင်း ဆိုသည်။
လွပ်လပ်မှု၊ တရားဥပဒေစိုးမိုးမှု၊ တရားမျှတမှုနှင့် မြင်သာထင်သာရှိမှုတို့အတွက် စတင်လိုက်ခြင်းလည်း ဖြစ်ကြောင်း အယ်လ်-ကီအစ်က ပြောလိုက်သည်။
“ပြည်သူလူထုနဲ့ ကမ္ဘာ့နိုင်ငံများအားလုံးကို အသေအချာအသိပေးပြောကြားလိုတာက ဆာအစ်နဲ့တကွ အပေါင်းအပါတွေကို ကျွန်တော်တို့ နိုင်ငံတွင်းတရားစီရင်ရေးစံနစ်တွေအရ မျှမျှတတဆုံးဖြတ်အပြစ်ပေးသွားမှာဖြစ် ပါတယ်။” ဟု အယ်လ်-ကီအစ်က အနောက်ဘက် တောင်ပေါ် ဇင်တန်းမြို့တွင်ပြုလုပ်သော သတင်းစာရှင်းလင်းပွဲ တွင် ပြောကြားခဲ့ခြင်းဖြစ်သည်။

တစ်ချိန်က ကဒါဖီပြီးလျှင် ဆက်ခံမည့်သူတစ်ဦးအဖြစ် ထင်ရှားခဲ့သော ဆာအစ်ကို ဇင်တန်းမှလက်နက်ကိုင်တပ်ဖွဲ့ များက ဖမ်းဆီးရမိခဲ့ခြင်းဖြစ်ပြီး အာဏာပိုင်များထံသို့ မလွှဲပြောင်းမချင်း သူတို့လက်ထဲတွင်ထိန်းသိမ်းထားမည်ဟု ဆိုသည်။

“သူ့ကို လစ်ဗျားမှာပဲ တရားမျှတကောင်းမွန်စွာနဲ့ တရားစီရင်နိုင်လိမ့်မယ်လို့ လစ်ဗျားဝန်ကြီးချုပ်က ယုံကြည်နေပါတယ်။” ဟု အယ်ဂျာဇီယာသတင်းထောက် အန်နီတာ မက်နော့က ဇင်တန်းမြို့မှနေ၍ သတင်းပေးပို့ ပြောကြားခဲ့သည်။
“လစ်ဗျားတွေ ပြောတာရှင်းပါတယ်။ ဆာအစ်က သူတို့နိုင်ငံသားဖြစ်တယ်။ သူတို့နိုင်ငံတွင်းမှာပဲ ရာဇဝတ် မှုကျူးလွန်ခဲ့တာဖြစ်တယ်။ ဒါကြောင့် သူ့တို့နိုင်ငံတွင်းမှာပဲ သူတို့ဘာသာ တရားစီရင်မယ်ဆိုတဲ့ သဘောထားရှိ ပါတယ်။” ဟု သတင်းထောက်က ပြောသည်။

နိုင်ငံတကာရာဇဝတ်ခုံရုံး (ICC) က ဆာအစ်ကို လွန်ခဲ့သောဖေဖေါ်ဝါရီလအတွင်း ဖြစ်ပွားခဲ့သော လစ်ဗျားအုံကြွမှု များကို အကြမ်းဖက်နှိမ်နင်းမှုဖြင့် အလိုရှိနေခဲ့သည်။ သို့သော် ဆာအစ်က သူ့ကိုဖမ်းဆီးသူများအား သူ့အနေနှင့် အိုင်စီစီကို အသိအမှတ်မပြုကြောင်း ပြောကြားခဲ့သည်ဟု ဆိုသည်။
အိုင်စီစီတရားသူကြီးချုပ် လူးဝစ်မော်ရန်နိုအိုကမ်ပိုက လာမည့်အပတ်အတွင်းလစ်ဗျားသို့သွားရောက်ကာ ဆာအစ်ကို တရားစီရင်မှုနှင့်ပတ်သက်၍ ဆွေးနွေးမည်ဖြစ်ကြောင်း ဆိုသည်။
“ဆာအစ်ကို ဖမ်းဆီးမိပြီဆိုတာ သတင်းကောင်းဖြစ်ပါတယ်။ သူ့ကိုအရှင်ဖမ်းမိခြင်းဖြစ်ပြီး တရားဥပဒေရှေ့ မှောက် ရင်ဆိုင်ရတော့မှာပါ။” ဟု အိုကမ်ပိုက စနေနေ့တွင် အိုင်စီစီတည်ရှိရာ နယ်သာလန်မြို့ ဟေ့တွင် ပြောကြား ခဲ့ခြင်းဖြစ်သည်။
လစ်ဗျားများကလည်း ဆာအစ်ကို နိုင်ငံတွင်း၌ပင်တရားစီရင်လိုသည်။ အဘယ်ကြောင့် ကဒါဖီမိသားစုက အပိုင်စီး ထားသော နိုင်ငံပိုင် ဒေါ်လာဘီလီယံပေါင်းများစွာမည်သည့်နေရာတွင် ထားရှိသည်ကို သိလိုကြသည်။
ဆာအစ်ကို ရာဇဝတ်ပြစ်မှုများဖြင့် သေဒဏ်ပေးနိုင်ကြောင်း လစ်ဗျားကြားဖြတ်အစိုးရ၏ တရားရေးဝန်ကြီး မိုဟာမက် အယ်-အလာဂျီက ပြောကြားခဲ့သည်။
“ဆာအစ်ကို အပြစ်ပေးနိုင်ဖို့ အဆင်သင့်ဖြစ်နေပါပြီ။ သူ့အတွက် တရားမျှတတဲ့ စီရင်မှုဖြစ်ဖို့ လုံလောက်တဲ့ တရားရေးဆိုင်ရာ အစီအမံဥပဒေတွေ ၊ လုပ်ထုံးလုပ်နည်းတွေ ကျွန်တော်တို့မှာ ရှိနေပါပြီ။”

ဗြိတိန်ဝန်ကြီးချုပ်ဒေးဗစ်ကင်မရွန်းကလည်း ဆာအစ်ကို တရားစီရင်ရေးတွင် တရားမျှတစွာဆောင်ရွက်နိုင်ရေး အတွက် အကူအညီပေးရန် ကမ်းလှမ်းခဲ့သည်။
“နိုင်ငံတကာစံချိန်စံညွှန်းဥပဒေတွေနဲ့ အညီ တရားစီရင်ပေးနိုင်မယ်လို့ လစ်ဗျားအစိုးရက ဒီကနေ့ထပ် ပြောပါတယ်။” ဟု ကင်မရွန်းကပြောသည်။
ဆာအစ်အယ်-အစ္စလာမ်ကို ဖမ်းဆီးရမိလိုက်ခြင်းကြောင့် ယခင်လစ်ဗျားအစိုးရဟောင်းထဲမှ အကြီးဆုံးဆို၍ ကဒါဖီ၏ ထောက်လှမ်းရေးချုပ် အဘ္ဘဒူလာဆန်နူဆီသာ ဖမ်းဆီးရန်ကျန်ရှိတော့သည်။

သြဂုတ်လအတွင်းကတည်းက ထရီပိုလီကို အမျိုးသားအသွင်ကူးပြောင်းရေးကောင်စီက သိမ်းပိုက်ထားပြီးနောက် ဆာအစ်ထွက်ပြေးနေခဲ့ခြင်းဖြစ်သည်။
ထို့နောက် သူ့ဖခင် ကဒါဖီကို အောက်တိုဘာ ၂၀ ရက်နေ့၌ ဆာ့တ်မြို့တွင်ဖမ်းဆီးရမိခဲ့ပြီး သတ်ဖြတ်ခြင်းခံခဲ့ရသည်။

Source : Al Jazeera

Posted in: အာဖရိက