ဆိုမာလီတွင် အကူအညီပေးရေးအဖွဲ့များကို သူပုန်က မောင်းထုတ်

ဆိုမာလီလက်နက်ကိုင်အဖွဲ့ အယ်လ်ရှာဘက်က အကူအညီပေးရေးအဖွဲ့ ၁၆ ဖွဲ့ကို တားဆီးပိတ်ပင်လိုက်သည်။ ယင်းတို့ထဲတွင် ကုလသမဂ္ဂလက်အောက်ခံ အကူအညီပေးရေးအဖွဲ့ ၆ ခုခန့်ပါဝင်သည်။ မိုးခေါင်ရေရှားမှုနှင့် ငတ်မွတ် ခေါင်းပါးမှုဒဏ်ခံနေရသော ဆိုမာလီအတွက် အကြပ်အတည်းဖြစ်သည်။

တနင်္လာနေ့ထုတ် ကြေငြာချက်တွင် အယ်လ်ရှာဘက်သူပုန်အဖွဲ့၏ နိုင်ငံခြားအဖွဲ့အစည်းများဆိုင်ရာကြီးကြပ်ရေးရုံး ခေါ် အဖွဲ့မှ တစ်နှစ်တာလုံး စေ့စပ်သေချာစွာလေ့လာသုံးသပ်ပြီး စုံစမ်းစစ်ဆေးမှုများပြုလုပ်ခဲ့ကြောင်း ဖေါ်ပြထား သည်။ ယင်းသို့စုံစမ်းစစ်ဆေးမှုများပြုလုပ်ခဲ့ရာတွင် အချို့သောအကူအညီပေးရေးအဖွဲ့များသည် တရားမဝင်အလုပ် များ၊ အလွဲသုံးစားလုပ်ဆောင်မှုများတွေ့ရှိရသည်ဟု သုံးသပ်တင်ပြထားသည်။

အဆိုပါ အကူအညီပေးရေးအဖွဲ့များကို ငွေကြေးအလွဲသုံးစားပြုလုပ်ခြင်း၊ သတင်းအချက် အလက်စုဆောင်းခြင်း၊ ဘာသာမဲ့အစိုးရအုပ်ချုပ်ရေး၊ ကိုယ်ကျင့်ပျက်ပြားရေး နှင့် အစ္စလာမ်တိုင်းပြည်တစ်ပြည်၏ ဒီမိုကရေစီစံတန်ဖိုးများ လျော့ကျအောင် နိုင်ငံတကာအဖွဲ့အစည်းများနှင့် ပူးပေါင်း၍ရည်ရွယ်ချက်ရှိရှိလုပ်ဆောင်နေ သည်ဟု စွပ်စွဲထားသည်။

အယ်လ်ရှာဘက်အဖွဲ့က ပိတ်ပင်တားဆီးလိုက်သော အဖွဲ့များထဲတွင် ကုလသမဂ္ဂအပြည်ပြည်ဆိုင်ရာ ကလေးများ ရံပုံငွေအဖွဲ့ (UNICEF)၊ ကမ္ဘာ့ကျန်းမာရေးအဖွဲ့ကြီး (WHO)၊ ဒုက္ခသည်များဆိုင်ရာ ကုလသမဂ္ဂရုံး (UNHCR)၊ ဒုက္ခသည်များဆိုင်ရာ နော်ဝေကောင်စီ၊ နည်းပညာပူးပေါင်းဆောင်ရွက်ရေးဆိုင်ရာ ဂျာမန်အေဂျင်စီ (GTZ)၊ ငတ်မွတ်ခေါင်းပါးမှုတိုက်ဖျက်ရေး ပြင်သစ်အဖွဲ့၊ စည်းလုံးညီညွတ်ရေးအဖွဲ့၊ ဆားဆစ် အဖွဲ့နှင့် ကွန်ဆန်း အဖွဲ့တို့ ပါဝင်သည်။

ကြေငြာချက်ထုတ်ပြန်လိုက်ခြင်းနှင့်အတူ အယ်လ်ရှာဘက်အဖွဲ့ဝင်များသည် ဘယ်ဒွေနီနှင့် ဘိုင်ဒိုအာမြို့များရှိ အကူအညီပေးရေးရုံးခန်းများသို့ လက်နက်များကိုင်ဆောင်ဝင်ရောက်စီးနင်းကာ ပစ္စည်းကိရိယာများကို သိမ်းဆည်း ယူငင်သွားကြောင်း မျက်မြင်သက်သေများက ဆိုသည်။

လူ့အသက်များကိုကယ်တင်သည့် အထောက်အကူပြုလုပ်ငန်းများကို တားဆီးပိတ်ပင်ခြင်းသည် အလွန်မျက်နှာ ပြောင်တိုက်ကာ လုပ်သည့်လုပ်ရပ်ဖြစ်ကြောင်း ပြောဆို၍ ကုလသမဂ္ဂအတွင်းရေးမှူးချုပ်ဘန်ကီမွန်က ရှုံ့ချပြောဆို လိုက်သည်။ ထို့ပြင် အဖွဲ့အစည်းများ၏ ဧရိယာများအတွင်းမှ ထွက်ခွာပေးရန်နှင့် အေဂျင်စီများ၊ အန်ဂျီအိုများမှ သိမ်းဆည်းသွားသော ပစ္စည်းများကိုပြန်ပေးရန် တောင်းဆိုလိုက်သည်။

ပြင်ပကမ္ဘာကို အဆိုးမြင်ဝါဒဖြင့် ဝေဖန်၍ အယ်လ်ရှာဘက်တို့က အကူအညီပေးရေးအဖွဲ့များကို တားဆီးပိတ်ပင်ခဲ့ သော်လည်း ယင်းအကူအညီများဖြင့် အသက်ဆက်ရပ်တည်နေရသော ငတ်မွတ်ခေါင်းပါးမှုဒဏ်ခံ လူပေါင်းများစွာမှာ ပိုမိုဆိုးရွားသော ဒုက္ခများနှင့်ရင်ဆိုင်ရမည်ဖြစ်သည်။

၁၉၉၁-၉၂ နောက်ပိုင်း အာဖရိက ဦးချိုဒေသ ဆိုမာလီနိုင်ငံတွင် ယခုအခါသည် အဆိုးဝါးဆုံးအငတ်ဘေးဆိုက် ရောက်ခြင်းဖြစ်သည်။ တစ်နှစ်ပတ်လုံးမိုးခေါင်ခဲ့ပြီးနောက် သီးနှံများပျက်စီးခြင်း၊ ကျွဲနွားတိရစ္ဆာန်များနှင့် လူထောင်သောင်းပေါင်းများစွာသေကြေပျက်စီးခြင်းများဖြစ်ပွားခဲ့ပြီး လွန်ခဲ့သောခြောက်လအတွင်း ဒုက္ခသည် ထောင်ပေါင်းများစွာ ဖြစ်ပေါ်လာခဲ့သည်။ ထို့နောက် ဇူလိုင်လအတွင်းက ကမ္ဘာ့ကုလသမဂ္ဂမှ ဆိုမာလီနိုင်ငံနေရာ ဒေသအများအပြားကို အငတ်ဘေးဆိုက်ဒေသများအဖြစ်ကြေငြာခဲ့သည်။

အချို့သောနေရာမှာ အငတ်ဘေးဆိုက်အဆင့်မှ ပြန်လည်လျော့ကျလာခဲ့သော်လည်း လူပေါင်း ၂၅၀,၀၀၀ ခန့် ငတ်မွတ်မှုဆက်လက်ဖြစ်ပွားနေပြီး အကူအညီများအလျင်အမြန်လိုအပ်နေသေးကြောင်း ကုလသမဂ္ဂမှပြောကြား ခဲ့သည်။

နိုင်ငံခြားသားများကို ပြန်ပေးဆွဲမှုများကြောင့် အယ်လ်ရှာဘက်အဖွဲ့အပေါ် ပြစ်တင်ရှုံ့ချမှုများရှိနေခဲ့ပြီး စစ်ရေးအရ ဖိအားပေးမည့် အနေအထားများပိုမိုရင်ဆိုင်လာနေရသည်။

အယ်လ်ရှာဘက်သူပုန်အဖွဲ့များအား မြို့တော်အပြင်ဘက်သို့မောင်းထုတ်ပစ်ရန် အာဖရိကသမဂ္ဂက မိုဂါဒစ်ရှူးအစိုးရ ကိုဖိအားပေးခဲ့သည်။ လွန်ခဲ့သောလက တောင်ပိုင်းတွင် ကင်ညာစစ်တပ်များ ဆိုမာလီအတွင်းဝင်ရောက်ကာ အယ်လ်ရှာဘက်သူပုန်များကို ဒုတိယအကြိမ်အဖြစ် လိုက်လံတိုက်ခိုက်ခဲ့သေးသည်။ ယခုလအစောပိုင်းကလည်း နိုင်ငံအနောက်ဘက်မှနေ၍ အီသီယိုးပီးယားစစ်တပ်များဝင်ရောက်ကာ တတိယစစ်မျက်နှာပြင်အဖြစ် အယ်လ်ရှာဘက် တို့ကို တိုက်ခိုက်ခဲ့ကြောင်း မျက်မြင်သက်သေများက ပြောပြခဲ့သည်။

Source: Al Jazeera

Posted in: အာဖရိက