အမေရိကန်နှင့် ဆော်ဒီ တိုက်လေယာဉ်အရောင်းအဝယ်သဘောတူစာချုပ်ချုပ်

F-15 တိုက်လေယာဉ်များ ၂၉.၄ ဘီလီယံတန်ဘိုးရောင်းချရန် သဘောတူညီလက်မှတ် ရေးထိုးပြီးကြောင်း အမေရိကန်ပြည်ထောင်စုမှ ပြောကြားလိုက်ပြီး အီရန်၏ခြိမ်းခြောက်မှုကို ကာကွယ်ရန်ဖြစ်နိုင်ကြောင်း သုံးသပ်ကြ သည်။

သဘောတူရောင်းချမှုတွင် ဘိုးရင်း F-15SA လေယာဉ်တစ်စင်း၊ ခေတ်မီတိုက်လေယာဉ် အစင်း ၇၀၊ လက်နက်တပ် ဆင်ပြီး၊ အပိုပစ္စည်းများ၊ လေ့ကျင့်ရေးဝန်ဆောင်မှုများနှင့် ပြင်ထိန်းဝန်ဆောင်မှုများလည်း အပါအဝင်ဖြစ်ကြောင်း အိမ်ဖြူတော် လက်ထောက်ပြောခွင့်ရ ဂျို့ရ်ှအားနက်စ်က ပြောသည်။
“ဒီသဘောတူညီချက်က အမေရိကန်နဲ့ ဆော်ဒီနိုင်ငံတို့ကြား ခိုင်မာတဲ့ဆက်ဆံရေးရှိတဲ့အကြောင်း ပြသလိုက်ခြင်းဖြစ်ပါတယ်။ ပြီးတော့ အမေရိကန်ရဲ့ အရှေ့အလယ်ပိုင်းဒေသတွင်းလုံခြုံရေးအတွက် ဆော်ဒီရဲ့ ကာကွယ်ရေးအင်အားတောင့်တင်းရေးအတွက် အလေးထားတယ်ဆိုတာကို ဖေါ်ပြခြင်းဖြစ်ပါတယ်။”

ကျွမ်းကျင်သူများ၏ တွက်ချက်မှုအရ ယင်းအရောင်းအဝယ်စာချုပ်ကြောင့် အမေရိကန်တွင် အလုပ်အကိုင်အခွင့် အလမ်း ၅၀,၀၀၀ ခန့်ရရှိမည်ဖြစ်ပြီး အမေရိကန်စီးပွားရေးတစ်နှစ်တာ ဝင်ငွေတွင် ၃.၅ ဘီလီယံခန့် တိုးတက်လာ မည်ဖြစ်ကြောင်း ဆိုသည်။

ဟာဝိုင်အီကျွန်းသို့ သမ္မတအိုဘားမားအလည်အပတ်ရောက်ရှိနေစဉ်တွင် အရောင်းအဝယ်ကြေငြာချက်ကို တရားဝင် ထုတ်ပြန်ခဲ့ခြင်းဖြစ်ပြီး၂၀၁၀ ခုနှစ်အတွင်းက ဆော်ဒီသို့ ဘီလီယံ ၆၀ ဖိုးလက်နက်ရောင်းချခဲ့ခြင်းမှ တစ်စိတ်တစ် ပိုင်းဖြစ်သော ယခုအရောင်းအဝယ်ကို ပထမဆုံးအကြိမ်အဖြစ် ကြေငြာခဲ့ခြင်းဖြစ်သည်။

လွန်ခဲ့သောနှစ်ပေါင်း ၁၅ နှစ် ၂၀ အတွင်းက အပါချီတိုက်ခိုက်ရေးရဟတ်ယာဉ်များနှင့် ဘလက်ဟော့ရဟတ်ယာဉ် များရောင်းချခဲ့ခြင်းများလည်း ယခုအရောင်းအဝယ်အတူ ထွက်ပေါ်လာနိုင်ကြောင်း ကာကွယ်ရေးတာဝန်ရှိသူများ အသိုင်းအဝိုင်းက ထင်ကြေးပေးသည်။

တီဟီရန်၏ နျူကလီးယားအစီအစဉ်အပြင် အမေရိကန်နှင့် ၎င်း၏ ပင်လယ်ကွေ့မဟာ မိတ်များနှင့် အီရန်ကြား တင်းမာနေစဉ်အချိန်အတွင်း ယခုကဲ့သို့ ဆော်ဒီသို့လက်နက်ရောင်းဝယ်သည့် ကြေငြာချက်ကို ထုတ်ဖေါ်လိုက်ခြင်း ဖြစ်သည်။

မိမိတို့အပေါ် အမေရိကန်နှင့် အနောက်အုပ်စုအပေါင်းအပါများက ပိတ်ဆို့အရေးယူမှုများဆောင်ရွက်မည်ဆိုလျင် ပင်လယ် ကွေ့ဒေသများမှ ရေနံများအဓိကသယ်ထုတ်ပို့ဆောင်နေရသော ဟော်မျုဇ်ရေလက်ကြားကို ပိတ်ဆို့မည်ဟု အီရန်က ပြောဆိုလိုက်ပြီး အမေရိကန်ကလည်း အနည်းငယ်မျှ သည်းခံလိမ့်မည်မဟုတ်ဟု တုံ့ပြန်မှုအပေါ် အီရန်က ပယ်ချခဲ့ သည်။

Source: Al Jazeera

Posted in: အရှေ့အလယ်ပိုင်း