အစ္စရေးလ်သူလျှိုများ စီအိုင်အေ အယောင်ဆောင်လှုပ်ရှား

အစ္စရေးလ်ထောက်လှမ်းရေးမှ သူလျှိုများကအမေရိကန်စီအိုင်အေအယောင်ဆောင်ကာ ပါကစ္စတန်ဂျန်ဒါလာ အဖွဲ့ဝင်များအား စည်းရုံးရေးလုပ်ငန်းများလုပ်ဆောင်နေကြောင်း နိုင်ငံခြားရေးမူဝါဒမဂ္ဂဇင်းတွင် ရေးသားဖေါ်ပြခဲ့သည်။

အမေရိကန်ဒေါ်လာများနှင့် အမေရိကန်ပတ်စ်ပို့များကို အသုံးပြု၍ အစ္စရေးစုံထောက်များက အမေရိကန်ဗဟို ထောက်လှမ်းရေးအဖွဲ့ဝင်များ (စီအိုအေ) အဖြစ်ဆောင်ရွက်ခဲ့သည့် ၂၀၀၇၊ ၂၀၀၈ ခုနှစ်များအတွင်း အဖြစ်အပျက် များရှိခဲ့သည်ဟု သောကြာနေ့က မဂ္ဂဇင်းတွင်ပုံနှိပ် ဖေါ်ပြထားသည်။ လက်ရှိအချိန်အထိ ဆက်လက်လုပ်ဆောင်နေ ခြင်းရှိမရှိကိုမူ သေချာမသိရပေ။

“အစ္စရေးလ်က အရင်ကဒီလိုလုပ်ခဲ့ဖူးပါတယ်။ အမေရိကန်ပြည်ထောင်စုမှာရှိတဲ့ အမေရိကန်မွတ်စလင် တွေကိုစည်းရုံးဖို့ အမေရိကန်မှာ အစ္စရေးလ်မော့ဆက် သူလျှိုတွေရှိနေတယ်ဆိုတဲ့ အချက်ကို အမေရိကန်မှာ လက်ခံကြပါတယ်။” ဟု သတင်းရေးသားသူ မာ့ခ်ပယ်ရီက အယ်ဂျာဇီယာသို့ပြောသည်။

“အစ္စရေးလ်နဲ့ အနီးကပ်လုပ်ဆောင်နေရတဲ့ သူလျှိုဆိုင်ရာလုပ်ငန်းတွေရှိပါတယ်။ အစ္စရေးလ်က ဒီလိုလုပ်ရပ် မျိုးအတွက် အမေရိကန်က ခွင့်လွှင့်နိုင်မယ်လို့ မျှော်လင့်ထားပါတယ်။ ဒါပေမယ့် ကျွန်တော်တော့ မထင်ပါဘူး။ အမေရိကန်ပြည်ထောင်စုအနေနဲ့ ဒီလိုကိစ္စမျိုးကို သီးမခံနိုင်ပါဘူး။”

ဆက်လက်၍ “တကယ်လို့ အဲဒီလိုလုပ်ရပ်တွေရဲ့နောက်ကွယ်မှာ အမေရိကန်တွေရှိနေတယ်လို့ အီရန်ကထင်နေ မယ်ဆိုရင် ကျွန်တော်တို့ရဲ့ သိပ္ပံပညာရှင်တွေ၊ နိုင်ငံရပ်ခြားမှာ ရှိနေတဲ့အမေရိကန်နိုင်ငံသားတွေကို အီရန်က ပြန်ပြီး အန္တရာယ်ပြုသတ်ဖြတ်နိုင်ပါတယ်။ ဒါကြောင့် ကျွန်တော်တို့နိုင်ငံသားတွေကို အန္တရာယ်ကျရောက်အောင် တွန်းပို့ တတ်တဲ့ မိတ်ဆွေမျိုးကျွန်တော်တို့ မလိုချင်ပါဘူး။” ဟု အစ္စရေးလ်၏ လုပ်ရပ်ကြောင့် ဖြစ်လာနိုင်သည့် အန္တရာယ် များအတွက်လည်း သတိပေးပြောကြားခဲ့သည်။

ဂျန်ဒါလာဆိုသည်မှာ “ဘုရားသခင့်စစ်သည်တော်များ” ဟု အဓိပ္ပါယ်ရပြီး အရှေ့မြောက်ဘက် ပြည်နယ်၏ ကြီးမား သော ဘာလုခ်ျတိုင်းရင်းသားများအရေးအတွက် တိုက်ခိုက်နေကြောင်း ဆိုသည်။ အီရန်တို့နှင့်မတူဘဲ ဆွန်နီမွတ်စလင်ဘာသာဝင်များဖြစ်ကြသည်။
ဘာလုခ်ျတိုင်းရင်းသားများသည် အိမ်နီးချင်းပါကစ္စတန်နှင့် အာဖဂန်နစ္စတန်နယ်စပ်များပေါ်တွင် ခွနေထိုင်ကြပြီး ဒေသတွင်းမတည်မငြိမ်ဖြစ်နေမှုများကို အခွင့်ကောင်းယူကာ ဂျန်ဒါလာသူပုန်များသည် ယင်းနယ်စပ်ဒေသ တစ်လျှောက်တွင် ၎င်းတို့အတွက် ခိုအောင်းရာနေရာအဖြစ် ခြေကုပ်ယူထားလေသည်။


အမေရိကန်အစိုးရ၏ အဆိုအရ ဂျန်ဒါလာအုပ်စုသည် အီရန်အစိုးရအဖွဲ့ဝင်များကို ပစ်မှတ်ထားပြီး၊ အမျိုးသမီးများ၊ ကလေးများကို သတ်ဖြတ်လျက်ရှိကြောင်း နိုင်ငံခြားရေးမူဝါဒ မဂ္ဂဇင်းက ဖေါ်ပြခဲ့သည်။

ဇူလိုင်လအတွင်းက ပါကစ္စတန်နိုင်ငံ၏ တော်လှန်ရေးအစောင့်တပ်ဖွဲ့ဝင်များကို ပစ်မှတ်ထားကာ ဇဟီဒန်မြို့ရှိ ဗလီကြီးကို တိုက်ခိုက်ခဲ့ရာ ၂၈ ဦးသေဆုံးခဲ့သည့်ဖြစ်ရပ်တွင် သူတို့လက်ချက်ဖြစ်ကြောင်း ဂျန်ဒါလာတို့က ကြေငြာခဲ့ သည်။
“အစ္စရေးလ်တွေက သူတို့လုပ်ပြီးတော့ လူမသိ၊ သူမသိပြီးသွားမယ်လို့ ထင်နေတာ အံ့စရာပဲဗျာ။” ဟု အမေရိကန်ထောက်လှမ်းရေးတာဝန်ရှိသူတစ်ဦးက မဂ္ဂဇင်းသို့ပြောခဲ့သည်။
“သူတို့က အမေရိကန်စီအိုင်အေယောင်ဆောင်ပြီး လိုက်စည်းရုံးအသုံးချနေတာ အတော်လေးကို ပေါ်တင် ဖြစ်နေပြီ။ ကျွန်တော်တို့ ဘယ်လိုထင်ထင် လုံးဝဂရုမစိုက်ဘူးဆိုတဲ့ ပုံစံမျိုးလုပ်နေတာဗျ။”


“ဒီသတင်းကြောင့် အမေရိကန်တွေမှာ အန္တရာယ်ကျရောက်နိုင်တယ်ဆိုတဲ့ ကိစ္စက အိမ်ဖြူတော်မှာ ရိုက်ခတ် နေပြီ။ အမေရိကန်နဲ့ အစ္စရေးလ် ထောက်လှမ်းရေးကိစ္စတွေမှာ ပူးပေါင်းဆောင်ရွက်မှုတွေ ရှိခဲ့လားဆိုတဲ့ မေးခွန်းမျိုးတော့ မရှိဘူး။ ဒါပေမယ့် မတူဘူးဗျ။ ဘယ်သူတွေ ဘယ်လိုထင်ထင်ဗျာ၊ အီရန်သိပ္ပံပညာရှင်တွေ၊ အီရန် အရပ်သားတွေကို သတ်တဲ့ကိစ္စတွေမှာတော့ ကျွန်တော်တို့ မပါဘူး။” ဟု အထက်ပါ ပုဂ္ဂိုလ်က ဆက်လက်ပြော ကြားသွားလေသည်။

မော့ဆက်လုပ်ရပ်များကြောင့် ယခင်က အယ်လ်ကေဒါချေမှုန်းရေးတွင် လက်တွဲလုပ်ကိုင်လာခဲ့သော ပါကစ္စတန်နှင့် အမေရိကန်ကြားတင်းမာမှုများ ပိုမိုကြီးထွားအန္တရာယ်ရှိလာစေကြောင်း ဆိုသည်။
အီရန်နျူကလီးယားသိပ္ပံပညာရှင်တစ်ဦး ကားဗုံးခွဲအသတ်ခံရမှုနောက်ဆုံးဖြစ်ပွားခဲ့ပြီး အီရန်-အမေရိကန်တင်းမာမှု အမြင့်ဆုံးဖြစ်လာခဲ့သည်။
သိပ္ပံပညာရှင် အသတ်ခံရခြင်းနှင့် ဂျန်ဒါလာသူပုန်များကြား အဆက်အစပ်ရှိသည့် သက်သေအထောက်အထားမတွေ့ ရကြောင်း မဂ္ဂဇင်းက ဖေါ်ပြထားသည်။

Source: Al Jazeera

Posted in: အရှေ့အလယ်ပိုင်း