ဘာရိန်းတွင် အင်အားကြီး ဆန္ဒပြပွဲများပြန်လည်ဖြစ်ပွား

အကျဉ်းချခံထားရသော ဘာရိန်းအတိုက်အခံခေါင်းဆောင်

ဘာရိန်းတွင် ငြိမ်းချမ်းစွာဆန္ဒပြပွဲများနိုင်ငံအနှံ့ဖြစ်ပွားခဲ့ပြီး ရဲနှင့် ဆန္ဒပြသူများရုန်းရင်းဆန်ခတ်ဖြစ်ပွားခဲ့သည်။ ယင်းဆန္ဒပြပွဲသည် သာမန်နိုင်ငံရေးအတိုက်အခံများနှင့် တက်ကြွသော အတိုက်အခံလူငယ်များအကြား အကွဲအပြဲ ဖြစ်သည်။

သောကြာနေ့က ဘာရိန်းတွင် အင်အားအကြီးဆုံး အယ်ဝီဖက်ခ် အဖွဲ့၏ ဦးဆောင်မှုဖြင့် ဆန္ဒပြပွဲ ၁၀ ခုပြုလုပ်ခဲ့ပြီး လူထောင်ပေါင်းများစွာပါဝင်ခဲ့ကြသည်။

ကြာသပတေးနေ့က အစိုးရ၏ကော်မစ်ရှင်အဖွဲ့တစ်ဖွဲ့က ဘာရိန်းဘုရင်သည် ပြုပြင်ပြောင်းလဲရေးကတိအညီ ဆောင်ရွက် ခဲ့သည်ဟုချီးမွမ်းပြောဆိုမှုကို မကျေနပ်၍ ဆန္ဒပြခဲ့ကြခြင်းဖြစ်သည်။

ရှီးအိုက်အများစုနေထိုင်သော ဆန်နာဘစ်နှင့် ဆီထရာမြို့များတွင် ရဲများနှင့် ဆန္ဒပြသမားများ ရုန်းရင်းဆန်ခတ်မှုများ ဖြစ်ပွားခဲ့သည်။ ဆီထရာလမ်းမများပေါ်တွင် ပုလင်းကွဲများ၊ အုတ်ခဲကျိုးပဲ့များဖြင့် ဆန္ဒပြသူများက လမ်းကို ပိတ်ဆို့ ထားခဲ့ကြသည်။ ထို့နောက်ရဲက မျက်ရည်ယိုဗုံးများဖြင့် ပစ်ခတ်ခဲ့ပြီး အမှိုက်ပုံးများမီးရှို့ထားခြင်းကြောင့် မီးခိုးမှိုင်းများ အုံ့ဆိုင်းနေလေသည်။

ဂျီဒါးစ်မြို့တွင်လည်း လွန်ခဲ့သောညက မျက်ရည်ယိုဗုံးထိမှန်သေဆုံးခဲ့ရသော အမျိုးသမီးတစ်ဦး၏ အသုဘလိုက်လံ ပို့ဆောင်သော လူထုနှင့် ရဲများနှင့် ပြဿနာဖြစ်ပွားခဲ့သည်။
ပုလဲအ၀ိုင်းသို့ ဦးတည်ချီတက်လာသော ဆန္ဒပြသမားကို တားဆီးရန်ရဲများက မီးသတ်ပိုက်များ၊ စစ်ကားများကို အသုံးပြုခဲ့သည်။ မြို့တော်မနားမားရှိ ပုလဲအ၀ိုင်းကြီးသည် လွန်ခဲ့သောနှစ်က ဘာရိန်းတွင် ဆန္ဒပြလူထုလှုပ်ရှား မှုကြီး၏ ဆုံရပ်အဖြစ် ထင်ရှားခဲ့ပြီး နောက်ပိုင်း အစိုးရကဖျက်ဆီးပစ်ခဲ့သည်။

လုံထိန်းများက နံပါတ်တုတ်များ၊ မျက်ရည်ယိုဗုံးများ၊ ဒိုင်းကာများဖြင့် ၀င်ရောက်လာပြီး လူငယ်များက ခပ်ဝေးဝေး မှနေ၍ သူတို့ကို အော်ဟစ်နေလေသည်။ ပစ်ခတ်လိုက်သော မျက်ရည်ယိုဗုံးများကို ပြန်ကောက်ယူပြီး သူတို့ထံသို့ ပြန်ပစ်လေသည်။
`ဟေ့ကောင်တွေ လာစမ်း။ လက်ချင်းချမယ်ကွ။ ငကြောက်တွေ။ တိရစ္ဆာန်တွေ။´ ဟု လူငယ်များက အော်ဟစ်ပြီး ကျောက်ခဲများဖြင့် ပစ်ပေါက်ကြသည်။

မြို့တော် အနောက်ဘက် အဝေးပြေးလမ်းမပေါ်တွင် ၀ီဖက်ခ်ပါတီ၏ အကြီးဆုံးဆန္ဒပြပွဲတစ်ရပ်ဖြစ်ခဲ့ပြီး လူပေါင်း ၅,၀၀၀ ခန့်ပါဝင်လေသည်။ ၀ီဖက်ခ်ပါတီသည် ဘာရိန်း၏ သက်ဦးဆံပိုင်ဘုရင်စံနစ်ကို တောက်လျှောက်ဝေဖန်လာ ခဲ့သော ပါတီဖြစ်သည်။ `ခွဲထွက်ရေးဝါဒ အလိုမရှိပါ။´ ဟု ဆိုင်းဘုတ်များကိုလည်း ကိုင်ဆောင်ထားလေသည်။

ပါတီတာဝန်ရှိသူတစ်ဦးက ထရပ်ကားတစ်စီး၏ အမိုးပေါ်မှ အသံချဲစက်ကိုကိုင်ကာ ၀န်ကြီးချုပ်နှင့် ဘာရိန်းအစိုးရ၏ အကြမ်းဖက်မှုများကို ရှုံ့ချသော ကြွေးကြော်သံများ တိုင်ပေးပြီး အောက်မှ လူထုက လိုက်အော်ကြလေသည်။
`ဟာမက် ကျဆုံးပါစေ´ ဟူ၍ ဘုရင်ဟာမက်ဘင်အယ်ခါလီဖါကို တိုက်ရိုက်ရှုံ့ချသော ကြွေးကြော်သံများကို အများအားဖြင့် ဟစ်အော်လေ့ရှိသည်။


Source: Al Jazeera

Posted in: အရှေ့အလယ်ပိုင်း