အိုစမာဘင်လာဒင်၏ ဇနီးသုံးဦးအား ပါကစ္စတန်အစိုးရ တရားစွဲ

အိုစမာဘင်လာဒင်၏ ကျန်ရစ်သူ ဇနီးသည် မုဆိုးမသုံးဦးအား ပါကစ္စတန်အစိုးရက နိုင်ငံတွင်းတရားမ၀င်လာရောက် နေထိုင်မှုဖြင့် တရားစွဲဆိုထားကြောင်း ပါကစ္စတန်ပြည်ထဲရေးဝန်ကြီးဌာနက ပြောကြားခဲ့သည်။

လွန်ခဲ့သောနှစ်မေလက ပါကစ္စတန်နိုင်ငံ အဘိုတာဘက်မြို့တွင် ဘင်လာဒင်ပုန်းခိုနေထိုင်နေသည့်အိမ်ကို အမေရိကန် အထူးချေမှုန်းရေးတပ်ဖွဲ့များက ၀င်ရောက်စီးနင်းသတ်ဖြတ်ခဲ့သည်။

ထို့နောက် ယင်းအိမ်တွင် နေထိုင်သည့် ဘင်လာဒင်၏ ဇနီးသည်များနှင့် ကလေးများအပါဝင် ၁၆ ဦးကို ပါကစ္စတန်အစိုးရက ဖမ်းဆီးထိန်းသိမ်းထားခဲ့သည်။

`သူတို့ကို တရားရုံးမှာ တင်ထားပါတယ်။ ရမန်ပေးထားပြီးတော့ တရားဥပဒေနဲ့ အညီကောင်းကောင်းမွန်မွန် ထိန်းသိမ်းထားပါတယ်။´ ဟု ပါကစ္စတန်ပြည်ထဲရေးဝန်ကြီးရာမန်မာလစ်က ကြာသပတေးနေ့က သတင်းထောက်များ ကို ပြောကြားခဲ့သည်။

`အရွယ်ရောက်လူကြီးတွေကိုတော့ သူတို့အမှုနဲ့သူတို့ အသီးသီးတရားစွဲဆိုထားပါတယ်။ ကလေးတွေတော့ မပါပါဘူး။ သူတို့မှာ ရှေ့နေရပိုင်ခွင့်၊ ခုခံပိုင်ခွင့်တွေ အပြည့်အ၀ပေးထားပါတယ်။´ ´ ဟု ဆို၏။

ဇနီးသည်နှစ်ဦးမှာ ဆော်ဒီနိုင်ငံသားများဖြစ်ပြီး တစ်ဦးမှာ ယီမင်မှဖြစ်ကြောင်း ပါကစ္စတန်နိုင်ငံခြားရေးဝန်ကြီးက ဆိုသည်။ သို့သော် မည်သည့်တရားရုံးတွင် အမှုရင်ဆိုင်ရမည်ဖြစ်ကြောင်းနှင့် လက်ရှိအချိန်တွင် မည်သည့်နေရာ၌ ထိန်းသိမ်းထားသည်တို့ကိုမူ ပြည်ထဲရေးဝန်ကြီးက မပြောပေ။ မည်သည့်ပြစ်ဒဏ်ကျခံရနိုင်သည်ဖြစ်ကြောင်းကိုလည်း မသိရပေ။

အမှုကို လိုက်လံစုံစမ်းနေသော ပြည်ထောင်စုစုံစမ်းရေးအေဂျင်စီတွင် အလုပ်လုပ်နေသော ရှေ့နေတစ်ဦးဖြစ်သူ ချောင်ဒရီဇူဖစ်ကာအလီက အေဖက်ပီသတင်းဌာနသို့ ပြောပြခဲ့ရာတွင် အမြင့်ဆုံးပြစ်ဒဏ်မှာ ဒဏ်ငွေ ရူးပီး ၁၀,၀၀၀ (ဒေါ်လာ ၁၁၀) နှင့် ထောင်ဒဏ် ၁၀နှစ်ဖြစ်ကြောင်း ဆိုသည်။

ဘင်လာဒင်၏ ကလေးများကိုလည်း အိပ်ခန်းငါးခန်းပါသော အိမ်ကြီးတစ်လုံးတွင် ပြည့်ပြည့်စုံစုံနှင့် ကောင်းကောင်း မွန်မွန်ထားကြောင်း သူကဆိုသည်။ သို့သော် သူတို့၏မိခင်များက သဘောတူညီမည်ဆိုလျှင် ဇာတိတိုင်းပြည်သို့ သူတို့ကို ပြန်ပို့ပေးမည်ဖြစ်သည်။


အစောပိုင်းက ပါကစ္စတန်အစိုးရက မေလ ၂ ရက်နေ့ ၀င်ရောက်စီးနင်းမှု နှင့်ပတ်သက်၍ စုံစမ်းစစ်ဆေးမှုများပြီးဆုံးပါက အမျိုးသမီးများကို မိခင်တိုင်းပြည်များသို့ ပြန်ပို့မည်ဖြစ်ကြောင်း ပြောခဲ့ဖူးသည်။ ဘင်လာဒင်သည် ပါကစ္စတန် နိုင်ငံအတွင်းမည်သို့ ပုန်းအောင်းနေနိုင်ခဲ့အကြောင်း ကျန်ရစ်သည့်မိသားစုများကို မေးမြန်းစုံစမ်းခဲ့သည်။
အငယ်ဆုံးမုဆိုးမတစ်ဦးဖြစ်သူ အမဲလ်အာမက်အဘ္ဘဒူလ်ဖာတာက ဘင်လာဒင်နှင့် မိမိတို့မိသားစုများသည် အဘိုတာဘက်ခြံဝင်းကြီးအတွင်း ငါးနှစ်မျှနေထိုင်ခဲ့ကြောင်း ဆိုသည်။
ဘင်လာဒင်အားရုတ်တရက်ဝင်ရောက်စီးနင်းသတ်ဖြတ်ခဲ့မှုကြောင့် ပါကစ္စတန်နှင့် အမေရိကန်ကြားဆက်ဆံရေး အလွန်ဆိုးဝါးသွားခဲ့သည်။ ဘင်လာဒင်အားစီးနင်းသတ်ဖြတ်နိုင်ခဲ့ခြင်းအား အမေရိကန်တွင် အောင်မြင်မှုတစ်ရပ် အနေနှင့် အောင်ပွဲခံခဲ့သော်လည်း ပါကစ္စတန်ကမူ မိမိတို့နိုင်ငံအတွင်း အမေရိကန်စစ်တပ်များက လျှို့ဝှက် စစ်ဆင်ရေးများ ဆင်နွှဲနေခြင်းသည် မိမိတို့အချုပ်အခြာအာဏာကို စော်ကားခြင်းဖြစ်ကြောင်း ဆိုသည်။

ကျန်ရစ်သူအမျိုးသမီးများအား တရားစွဲဆိုခြင်းနှင့် ပတ်သက်၍ ပါကစ္စတန်တွင် ထင်မြင်ချက်အမျိုးမျိုးပေါ်ထွက်နေ ကြောင်း အယ်ဂျာဇီယာသတင်းထောက် အမ်တီအက်ဇ်တေယက်ဘ်က အစ္စလာမ္မာဘတ်မှနေ၍ သတင်းပေးပို့ခဲ့ သည်။
`အိုစမာဘင်လာဒင် အသတ်ခံလိုက်ရပြီးမကြာခင်မှာပဲ ကျန်ရစ်သူ မုဆိုးမတွေအတွက် ဘယ်လိုအခြေအနေ မျိုးတွေရှိမလဲ၊ ကလေးတွေအတွက် ဘယ်လိုဖြစ်လာမလဲ ဆိုတာ မေးခွန်းတွေ ထွက်ပေါ်လာပါတယ်။´
`ဒီအမျိုးသမီးတွေအတွက် ပါကစ္စတန်အစိုးရမှာတောင် တာဝန်ရှိတယ်ဆိုတဲ့ ပြောစကားတွေ ကြားနေရပါ တယ်။ ဒါကြောင့် ဒီအမျိုးသမီးတွေကို ပါကစ္စတန်အစိုးရက ဘယ်လိုရည်ရွယ်ချက်မျိုးနဲ့တရားစွဲဆိုတာလဲဆိုတာ မေးမြန်းနေကြပါတယ်။´
`ပါကစ္စတန်က ဒီအမျိုးသမီးတွေကို ကိုယ့်နိုင်ငံကိုယ် ပြန်လွှတ်ပေးလိုက်လိမ့်မယ်လို့ ကျွန်တော်တို့ ထင်နေခဲ့ကြတယ် မဟုတ်လား။ အခုလိုတရားစွဲလိုက်တော့ ခက်ကုန်တော့တာပဲ။´


Source: Al Jazeera

Posted in: အရှေ့အလယ်ပိုင်း