Wednesday, May 23, 2012

အီဂျစ်သမ္မတရွေးကောက်ပွဲ ကျင်းပ

အီဂျစ်တွင် သမိုင်းဝင် ပထမဦးဆုံးအကြိမ်အဖြစ် သမ္မတရွေးကောက်ပွဲကျင်းပတော့မည်ဖြစ်ပြီး အီဂျစ်အမျိုးသားထုတစ်ရပ်လုံး ပါဝင်ကြမည်ဖြစ်သည်။ ယင်းရွေးကောက်ပွဲတွင် အာဏာရှင်ဟောင်းမူဘာရက်၏ လက်ထက်တွင် အမှုထမ်းခဲ့သော ဘာသာရေးအရိုးစွဲအုပ်စုများနှင့် အပြိုင် ဒီမိုကရက်တစ်များလည်း ကျယ်ကျယ်ပြန့်ပြန့်ဝင်ရောက်အရွေးချယ်ခံကြမည်ဖြစ်သည်။ နှစ် ၃၀ ကြာအုပ်စိုးလာခဲ့သော မူဘာရက်လက်ထက်တွင်ကျင်းပခဲ့သော ရွေးကောက်ပွဲများသည် အဖြေရှိပြီးသားပုစ္ဆာများသာဖြစ်ပြီး မလိုအပ်ပဲလူကြားကောင်းရုံကျင်းပခဲ့သည်များသာဖြစ်၍ ယခုကျင်းပမည့် ဗုဒ္ဓဟူးနေ့ရွေးကောက်ပွဲသည် အီဂျစ်လူမျိုးများအတွက် အသစ်အဆန်းသဖွယ်ဖြစ်နေပေသည်။ မူဘာရက်ရာထူးမှ ဆင်းပေးပြီးနောက် အသွင်ကူးပြောင်းရေးကာလတစ်ရပ်တွင် အကြမ်းဖက်မှုများ၊ ဆန္ဒပြ မှုများ၊ နိုင်ငံရေးအရပိတ်မိနေခြင်းများ စသည့်အခြေနေမျိုးစုံဖြင့် အုပ်ထိန်းလာခဲ့သော စစ်တပ်ဗိုလ်ချုပ်များ ၏ အခန်းကဏ္ဍပြီးဆုံးသွားမည်ဖြစ်ပြီး အီဂျစ်ပြည်သူများက ခေါင်းဆောင်ကို ကိုယ်တိုင်ရွေးချယ်ရတော့ မည်ဖြစ်သည်။ ထို့ကြောင့် မဲပေးပိုင်ခွင့် အရည်အချင်းပြည့်မီသူ အီဂျစ်သန်း ၅၀ တို့ အင်တိုက်အားတိုက် မဲရုံများဆီသို့ သွားရောက်မဲပေးကြမည်ဖြစ်၏။ ထို့နောက် အနိုင်ရပါတီအား ဂျူလိုင် ၁ ရက်နေ့တွင် အာဏာ လွှဲပြောင်းပေးရန် သတ်မှတ်ထားသည်။ `ဒါပေါ့ဗျာ ။ ကျွန်တော်မဲရုံကိုသွားပြီး မဲထည့်ရမှာပေါ့။ ဒီလိုနိုင်ငံရေးမတည်မငြိမ်ခေတ်ပျက်ကြီးနဲ့ ကျွန်တော်တို့ တစ်သက်လုံးနေမသွားနိုင်ပါဘူး။` ဟု မဲပေးရန် အလုပ်မှ တစ်ရက်ခွင့်ယူပြီး မဲရုံအပြင်ဘက် လူတန်းကြားတွင် တန်းစီနေသော စာရင်းကိုင်အလုပ် လုပ်ကိုင်သူ ဝါအယ်လ်အက်ဇ်မီက ပြောသည်။ မဲပေးမည့် အီဂျစ်ပြည်သူများကြားတွင် သုံးပတ်ကြာမဲဆွယ်စည်းရုံးမှုများကို ပါတီများက အလုအယက် အလုံးအရင်း ဆောင်ရွက်ခဲ့ကြပြီး တနင်္ဂနွေနေ့ကမှ ပြီးဆုံးသွားခဲ့လေသည်။ သမ္မတလောင်းများ အချင်းချင်း စကားရည်လုမဲဆွယ်စည်းရုံးပွဲများကိုလည်း အမေရိကန်ပုံစံအတိုင်း ရုပ်မြင်သံကြားမှ ထုတ်လွှင့် ပြသပြီး ပြည်သူများကို ကြည့်ရှုစေခဲ့သည်။ စာနယ်ဇင်းများတွင်လည်း အင်တာဗျူးများ၊ မဲဆွယ်ကြော်ငြာ များဖြင့် နေရာယူထားပြီး လမ်းကြီးလမ်းငယ်အသွယ်သွယ်တွင်လည်း ပါတီအသီးသီးမှ ကြော်ငြာဆိုင်းဘုတ် များဖြင့် ရှိနေကြသည်။ ဗုဒ္ဓဟူးနေ့ နှင့် ကြာသပတေးနေ့တွင်ကျင်းပမည့် ရွေးကောက်ပွဲတွင် သမ္မတလောင်း ၁၂ ယောက်ပါဝင် ယှဉ်ပြိုင်ကြမည်ဖြစ်ရာ မည်သူတစ်ဦးတစ်ယောက်မျှ ဆန္ဒမဲထက်ဝက်ခန့်ရရှိပြီး အပြတ်အသတ်နိုင်ချေ မရှိပေ။ နောက်ဆုံးစကာတင် သမ္မတလောင်းနှစ်ဦးတည်းကျန်ရှိတော့မည့် ရှုံးထွက်ရွေးကောက်ပွဲကိုမူ ဇွန်လတွင် ကျင်းပမည်ဖြစ်သည်။ ယခုရွေးကောက်ပွဲသည် အီဂျစ်တွင် ရာစုနှစ်များစွာအုပ်စိုးလာခဲ့သော ဖါရိုဘုရင်များ၊ ဆူလတန်စော်ဘွားများ၊ ဘုရင်များ၊ အာဏာရှင်များ၊ စစ်ဗိုလ်ချုပ်များ၏ အခန်းကဏ္ဍကို ရပ်ဆိုင်းစေခဲ့ပြီး သာမန်ပြည်သူလူထု များက ခေါင်းဆောင်ကို မိမိတို့ကိုယ်တိုင်ရွေးချယ်ရမည့် ပထမဦးဆုံး အကြိမ်ပင်ဖြစ်သည်။ သို့သော် မည်သူပင်အနိုင်ရရ အီဂျစ်ပြည်သူများမျှော်လင့်တောင့်နေသည့် စီးပွားရေးတိုးတက်ကောင်းမွန်ရေး အပြောင်းအလဲများ ဆောင်ကြဉ်းပေးရမည့် ကြီးလေးသော တာဝန်ဝတ္တရားများက စောင့်ဆိုင်းလျက်ရှိ သည်။ မူဘာရက်လက်ထက်တွင် ကျောထောက်နောက်ခံပေးထားခဲ့သော စစ်တပ်အနေနှင့် ဆက်လက်၍ နောင်နှစ်ပေါင်းအတန်ကြာအောင် နိုင်ငံရေးအရှိန်အဝါရှိနေဦးမည်လည်းဖြစ်သည်။ ကြီးမားသောစီးပွားရေးအကျိုးစီးပွားများ ရှိနေသည့် အီဂျစ်စစ်တပ်ထိပ်တန်းခေါင်းဆောင်များက အာဏာကို ဖက်တွယ်ထားရန် ဆန္ဒမရှိပါဟု ပြောဆိုလျက်ရှိသည်။ `ဒီရွေးကောက်ပွဲက အသွင်ကူးပြောင်းရေးလုပ်ငန်းစဉ်တွေထဲက နောက်ဆုံးအဆင့်ဖြစ်ပါတယ်။` ဟု ဗိုလ်ချုပ်မိုဟာမက်အယ်လ်-အက်ဆာက ရွေးကောက်ပွဲသတင်းစာရှင်းလင်းပွဲတွင် ပြောကြားခဲ့သည်။ ကြိုတင်စစ်တမ်းများအရလည်း မည်သည့်သမ္မတလောင်း အနိုင်ရရှိမည်ဟု ပြတ်ပြတ်သားသား ရလဒ်ထွက် ပေါ်ခဲ့ခြင်းမရှိပေ။ ဇန်နဝါရီလအတွင်းက ကျင်းပခဲ့သော ပါလီမန်ရွေးကောက်ပွဲတွင် အစ္စလာမ်အုပ်စုများ ထိုင်ခုံနေရာ အတော် များများရရှိခဲ့ပြီးနောက် ဆက်လက်၍ ယခုရွေးကောက်ပွဲတွင်လည်း ၎င်းတို့အနိုင်ရရှိသွားပါက ၃၃ နှစ်ကြာ ငြိမ်းချမ်းရေးစာချုပ်အပေါ် တစ်စုံတစ်ရာထိခိုက်လာမည်ကို အနောက်အုပ်စုနှင့် အစ္စရေးလ်တို့က စိုးရိမ် တကြီးစောင့်ကြည့်လျက်ရှိကြသည်။ အလားတူပင် ပင်လယ်ကွေ့နိုင်ငံအတော်များများကလည်း ဒေသတွင်း အင်အားကြီးနိုင်ငံတစ်နိုင်ငံဖြစ်သော အီဂျစ်တွင် မူဘာရက်လက်ထက်က မဟာမိတ်ပြုထားကြပြီး ယခုအခါ အနိုင်ရခေါင်းဆောင်သည် မိမိတို့နှင့် ပြေလည်ပါလားဟူသော စိုးရိမ်ပူပန်မှုများရှိနေကြသည်။ ပင်လယ်ကွေ့နိုင်ငံအများစုသည် ဘုရင်စံနစ်များဖြင့် ယခုအချိန်အထိ အုပ်စိုးလျက်ရှိပြီး အာရပ်တော်လှန်ရေးကို ဖြစ်ပွားစေခဲ့သော်လည်း တစ်စုံတစ်ရာအပြောင်းအလဲမရှိသေး၍ အီဂျစ်၏ ဒီမိုကရေစီအပြောင်းအလဲက ၎င်းတို့ကို ခြောက်လှန့်နေ ခဲ့သည်။ ပင်လယ်ကွေ့နိုင်ငံများ၏ စိုးရိမ်ပူပန်နေမှုများ သက်သာရာရစေရန် မွတ်စလင်ညီအစ်ကိုတော်များ ပါတီမှ ပါတီကိုယ်စားပြု သမ္မတလောင်း မိုဟာမက်မာဆီက တနင်္ဂနွေနေ့က လူထုစည်းရုံးရေးမိန့်ခွန်းတွင် `ကျွန်တော်တို့ရဲ့တော်လှန်ရေးနဲ့ အပြောင်းအလဲတွေမျိုးတွေ လုပ်ဖို့ ဘယ်နိုင်ငံကိုမှ တိုက်တွန်းမှာမဟုတ် ပါဘူး။` ဟု ပြောကြားခဲ့သည်။ ညီအစ်တော်များပါတီတွင် ပထမရွေးချယ်ထားသော ကိုယ်စားလှယ်လောင်းကို ဖယ်ရှားပြီး ရွေးကောက်ပွဲ နီးကပ်ချိန်တွင်မှ မာဆီကို ရွေးချယ်ခဲ့ခြင်းဖြစ်သည်။ မာဆီတွင် ပါတီစွဲ၊ ဂိုဏ်းဂဏစွဲအလွန်ကြီးမားပုံမရ သော်လည်း ပါတီ၏ထောက်ခံမှုများကို ရရှိနိုင်လေသည်။ မာဆီ၏ အဓိကပြိုင်ဘက်များမှာ လစ်ဘရယ်များမှသည် ဘာသာရေးအရိုးစွဲများအထိ ထောက်ခံမှုများရရှိ အောင် စည်းရုံးထားနိုင်သော အဘ္ဘဒယ်လ်မိုနီယမ်အဘိုလ်ဖိုတူး၊ နာမည်ပျက်တစ်စုံတစ်ရာမရှိခဲ့ဘဲ လူထုကြားနှစ်ပေါင်းများစွာကပင် ရေပန်းစားနေခဲ့သော ယခင်နိုင်ငံခြားရေးဝန်ကြီးနှင့် အာရပ်အဖွဲ့ ချုပ် ဥက္ကဌ အေမာမိုဆာ၊ ယခင်လေတပ်ဗိုလ်ချုပ်ကြီးနှင့် မူဘာရက်၏ နောက်ဆုံးဝန်ကြီးချုပ်လုပ်ခဲ့သော အာမက်ရှာဖစ် တို့ဖြစ်သည်။ နောက်ဆုံးနာမည်ကြီးတစ်ဦးမှာ ဟမ်ဒင်းဆဘာဟီဖြစ်သည်။ ဆဘာဟီသည် ၁၉၅၂ ခုနှစ်က လွတ်လပ်သောစစ်ဗိုလ်များ လှုပ်ရှားမှုဖြင့် ဘုရင်ဖာရွတ်ကို ဖြုတ်ချကာ စစ်ဘက်ဆိုင်ရာပုဂ္ဂိုလ်များ အီဂျစ်နိုင်ငံရေးတွင် နှစ် ၆၀ ခန့် ကြီးစိုးစေခဲ့သော လက်ယာသမား ဂါမယ်အဘ္ဘဒယ်နက်ဆာ ၏ဝါဒများကို လက်ခံထားသူဖြစ်သည်။ Source: Al Jazeera

0 comments:

Post a Comment

 
ယခု သင်ဖွင့်ထားသော ဘလော့ဂ်အား Mozilla Firefox ဖြင့်ဖွင့်ကြည့်ပါက အကောင်းဆုံးဖြစ်သည်။