နေတိုးတိုက်ခိုက်မှုကြောင့် အာဖဂန်အရပ်သားများ သေဆုံး

အာဖဂန်နစ္စတန်၊ ပက်တီယာပြည်နယ်တွင် အမေရိကန်ဦးဆောင် နေတိုးတပ်ဖွဲ့များဗုံးကြဲတိုက်ခိုက်မှုကြောင့် လူရှစ်ဦးပါဝင်သော မိသားတစ်စုသေဆုံးခဲ့ရကြောင်း အာဖဂန်အာဏာပိုင်များက ပြောသည်။ စနေနေ့ညက တိုက်ခိုက်မှုကြောင့် သေဆုံးခဲ့ရသည့် ယင်းဖြစ်စဉ်အပေါ် အလေးအနက်ထားကြောင်းနှင့် စုံစမ်းစစ်ဆေးသွားမည်ဖြစ်ကြောင်း နိုင်ငံတကာလုံခြုံရေးအကူအညီပေးရေးတပ်ဖွဲ့ (ISAF) ကဆိုသည်။ ဂါဒါဆာရီယာ ခရိုင်၊ ဆူရီခါအီလ် ရွာတွင် ဒေသစံတော်ချိန် ည ၈ နာရီခန့် အချိန်၌ လေကြောင်းတိုက် ခိုက်မှုကြောင့် ယောင်္ကျားတစ်ဦး၊ မိန်းမတစ်ဦးနှင့် ၎င်းတို့၏ကလေး ခြောက်ဦးသေဆုံးခဲ့ခြင်းဖြစ်ကြောင်း ပက်တီယာပြည်နယ်အစိုးရ ပြောခွင့်ရ ရိုဟူလာဆာမွန်က ပြောသည်။ `သေဆုံးသွားတဲ့ လူက တာလီဘန်အပါအဝင် ဘယ်အကြမ်းဖက်အဖွဲ့နဲ့မှ လုံးဝအဆက်အသွယ် မရှိတဲ့ လူမျိုးဖြစ်ပါတယ်။`ဟု ဆာမွန်က အေအက်ဖ်ပီသတင်းဌာနသို့ပြောပြခဲ့သည်။ ထိုသူ၏ အမည်မှာ မိုဟာမက်ရှာဖီဖြစ်သည်။ `ရှာဖီက တာလီဘန်မဟုတ်ပါဘူး။ အစိုးရကိုဆန့်ကျင်တိုက်ခိုက်နေတဲ့ ဘယ်အုပ်စုနဲ့မှ အဆက်အသွယ်မရှိပါဘူး။ သာမန်ရွာသားတစ်ဦးပါပဲ။` `အခုကျွန်တော်တို့ အဲဒီကိစ္စနဲ့ပတ်သက်ပြီး ဆက်လက်စုံစမ်းနေပါတယ်။ သေဆုံးသွားတဲ့ ကလေး တွေက အသက်ဘယ်လောက်တွေလဲ၊ ယောင်္ကျားလေးဘယ်နှယောက်၊ မိန်းကလေးဘယ်နှယောက်လဲ ဆိုတာတွေ စုံစမ်းနေပါတယ်။`ဟု ဆာမွန်က ပြောသွားသည်။ အရပ်သားများသေကြေပျက်စီးနေရခြင်းသည် အာဖဂန်အစိုးရနှင့် ISAF ကြားတင်းမာမှုဆက်လက်ဖြစ်ပွား နေရသည့် အဓိကအချက်ဖြစ်ကြောင်း အယ်ဂျာဇီယာသတင်းထောက် ဘားနဒ်စမစ်က ကဘူးလ်မြို့မှ သတင်းပေးပို့ခဲ့သည်။ `နေတိုးတပ်ဖွဲ့တွေကို သွားမေးရင်တော့ သူတို့တိုက်ခိုက်မယ့် ပစ်မှတ်မှာ အရပ်သားတွေ ရှိ၊ မရှိ အသေအချာလေ့လာသုံးသပ်ပြီးမှ တိုက်ခိုက်ခဲ့တာပါလို့ ဖြေပါလိမ့်မယ်။ တိုက်ခိုက်မှုမပြုခင်ရရှိတဲ့ ထောက်လှမ်းစုံစမ်းမှုတွေကို အခြေခံပြီး တိုက်တာပါလို့ပြောပါလိမ့်မယ်။ တာလီဘန်တွေကလည်း လက်လုပ်ဗုံးတွေနဲ့ လမ်းဘေးဗုံးထောင်တာတွေကလည်း သူတို့ပစ်မှတ်ထားတဲ့ နိုင်ငံခြားသားတပ်ဖွဲ့ဝင်တွေ ကိုထိမှန်တာထက် အရပ်သားတွေကိုပဲ ထိမှန်သေဆုံးတာများပါတယ်။` `ဒါပေမယ့် နိုင်ငံခြားသားတပ်ဖွဲ့တွေကြောင့် အရပ်သားသေဆုံးမှုတွေ ဖြစ်လာရင်တော့ နိုင်ငံရေး အရ ဆူညံပူညံတွေဖြစ်ပြီး သမ္မတဟာမစ်ခါဇိုင်းကလည်း အပြစ်တင်ပြောဆိုလေ့ရှိပါတယ်။` စသည်ဖြင့် သတင်းထောက်က သတင်းပေးပို့ရင်း မှတ်ချက်ပေးပြောဆိုခဲ့လေသည်။ နိုင်ငံခြားတပ်ဖွဲ့များ၏ တိုက်ခိုက်မှုကြောင့် အရပ်သားများသေဆုံးခြင်းသည် အာဖဂန်နှင့်နိုင်ငံတကာတပ်ဖွဲ့ များ၏ ဆက်ဆံရေးကိုထိခိုက်စေမည်ဖြစ်ကြောင်း သတိပေးပြောကြားရန် ISAF အကြီးအကဲ ဗိုလ်ချုပ် ဂျွန်အလန်နှင့် လွန်ခဲ့သောနှစ်လက ခန့်အပ်ထားသော အာဖဂန်သမ္မတရုံးဆိုင်ရာ အမေရိကန်သံအမတ် ရိုင်ယန်ခရွတ်ကာတို့ကို ဆင့်ခေါ်ခဲ့လေသည်။ မကြာသေးမီက လိုဂါ၊ ကာပီဆာ၊ ဘဂ္ဂဒစ်ရ်ှနှင့် ဟယ်လ်မန် ပြည်နယ်များတွင် လေကြောင်းတိုက်ခိုက်မှုများကြောင့် အရပ်သား ၁၈ ဦးသေဆုံးခဲ့ရကြောင်း သက်ဆိုင်ရာ တာဝန်ရှိသူများက သတင်းပေးပို့ခဲ့ပြီးနောက် သမ္မတက အထက်ပါပုဂ္ဂိုလ်နှစ်ဦးကို ဆင့်ခေါ်ခဲ့ပြီးတွေ့ဆုံခဲ့ ခြင်းဖြစ်သည်။ `အရပ်သားတွေ လုံခြုံရေးစိတ်ချရမှုမရှိဘူးဆိုရင် အာဖဂန်နှင့် အမေရိကန်တို့ရဲ့ ဗျူဟာမြောက် ဆက်ဆံရေး လက်မှတ်ရေးထိုးထားတာ ဘာအဓိပ္ပါယ်မှ မရှိတော့ဘူး။` ဟု သမ္မရုံးမှ ထုတ်ပြန်သော ယခုလအစောပိုင်းကြေငြာချက်တွင် ပြောကြားခဲ့သည်။ ထိုစဉ် နိုင်ငံတောင်ပိုင်းတွင် ဗုံးပေါက်ကွဲမှုကြောင့် နေတိုးတပ်ဖွဲ့ဝင် လေးဦးသေဆုံးခဲ့ကြောင်း ISAF က တနင်္ဂနွေနေ့က ပြောကြားခဲ့သည်။ စနေနေ့က နေရာအသီးသီးတွင် လက်လုပ်ဗုံးများပေါက်ကွဲမှုကြောင့် သေဆုံးခဲ့ရခြင်းဖြစ်သည်ဟု ဆိုသည်။ သို့သော် မည်သူမည်ဝါများဖြစ်ကြောင်း အသေးစိတ်ထုတ်ပြန်ခြင်း မရှိပေ။ ယခုနှစ်အတွင်း နေတိုးတပ်ဖွဲ့ဝင် ၁၆၉ ဦးသေဆုံးခဲ့ပြီးဖြစ်သည်။ လတ်တလောတွင် ISAF တပ်ဖွဲ့ဝင် ၁၃၀ ၀၀၀ အာဖဂန်တွင် ရှိသည်။ ၂၀၁၄ တွင် အားလုံးပြန်လည် ထွက်ခွါရန် စီစဉ်ထားပြီး အချို့နိုင်ငံများမှ တပ်ဖွဲ့များမှာ စတင်ထွက်ခွါနေပြီဖြစ်သည်။ အာဖဂန်နိုင်ငံတွင်း နေရာအတော်များများတွင် လုံခြုံစိတ်ချရမှုမရှိသေးဘဲ နိုင်ငံခြားတပ်များပြန်လည်ထွက် ခွါသွားလျှင် အာဖဂန်တပ်များအနေနှင့် တာလီဘန်တို့နှင့် တစ်ဦးတည်းဆက်လက်ရင်ဆိုင်ရတော့မည် ဖြစ်သည်။ တာလီဘန်တို့ကလည်း ၎င်းတို့၏ နွေဦးထိုးစစ်စတင်ပြီဟု ကြေငြာပြီးနောက်ပိုင်း နိုင်ငံအနှံ့တိုက်ခိုက်မှုများ တိုးတက် ပြုလုပ်လာခဲ့လေသည်။ လွန်ခဲ့သောနှစ်က တာလီဘန်တို့ တိုက်ခိုက်မှုမြှင့်တင်ခဲ့ပြီး အသေခံဗုံးခွဲ မှုများ၊ လမ်းဘေးဗုံးများဖြင့် အကြမ်းဖက်တိုက်ခိုက်မှုကြောင့် အရပ်သားသေဆုံးမှု ၃ ၀၂၁ ဦးရှိပြီး အများဆုံးနှစ် အဖြစ်စံချိန်တင်ခဲ့လေသည်။ ကုလသမဂ္ဂနောက်ဆုံးထုတ် အစီရင်ခံစာတွင် ဖေါ်ပြထားသည်။ ကုလသမဂ္ဂစစ်တမ်းအရ အရပ်သားသေဆုံးမှုများထဲမှ ၇၇ ရာခိုင်နှုန်းမှာ တာလီဘန်လက်ချက်ကြောင့် ဖြစ်ပြီး ၁၄ ရာခိုင်နှုန်းမှာ နိုင်ငံတကာတပ်များနှင့်အာဖဂန်တပ်ဖွဲ့ဝင်များ၏ လက်ချက်ကြောင့်ဖြစ်ကြောင်း ဆိုသည်။ ၉ ရာခိုင်နှုန်းမှာ အကြောင်းရင်းမသိရသောသေဆုံးမှုများအဖြစ်သတ်မှတ်ထားသည်။ Source: Al Jazeera

Posted in: အရှေ့အလယ်ပိုင်း