အာဖဂန်တွင် စုံစမ်းရေးအဖွဲ့ တိုက်ခိုက်ခံရ၊ အမေရိကန်ဆန့်ကျင်ရေး တိုးပွား

အာဖဂန်တောင်ပိုင်း ကန်ဒါဟာပြည်နယ်တွင် ဖြစ်ပွားခဲ့သည့် အမေရိကန်စစ်သားတစ်ဦးက အာဖဂန်အရပ်သား ကျေးရွာသား၁၆ ယောက်အား သတ်ဖြတ်မှုကို စုံစမ်းစစ်ဆေးရန်ရောက်ရှိနေသော စုံစမ်းရေးအဖွဲ့ကို သေနတ်သမား တစ်စုက ပစ်ခတ်တိုက်ခိုက်ခဲ့သည်။

အာဖဂန်သမ္မတဟာမစ်ခါဇိုင်း၏ ညီအစ်ကိုနှစ်ဦးပါဝင်သော စုံစမ်းစစ်ဆေးရေးအဖွဲ့ အင်္ဂါနေ့က ပစ်ခတ်တိုက်ခိုက်ခံရ မှုကြောင့် အာဖဂန်စစ်သားတစ်ဦးသေဆုံးသွားကြောင်း ကန်ဒါဟာပြည်နယ်ရဲချုပ် အဘ္ဘဒူလ်ရာဇစ်က အေအက်ဖ်ပီ သတင်းဌာနသို့ ပြောကြားခဲ့သည်။

`အဝေးက ပစ်ခတ်တိုက်ခိုက်ခြင်းဖြစ်ပြီး ၁၀ မိနစ်လောက် ပစ်ခတ်မှုတွေ ဖြစ်ပွားခဲ့ပါတယ်။´ ဟု ဒေသခံ သတင်းထောက်တစ်ဦးက အခင်းဖြစ်ပွားရာ ပန်ဂျဝါရီ ခရိုင်မှနေ၍ သတင်းပေးပို့ခဲ့သည်။

အမေရိကန်စစ်သားတစ်ဦးက အာဖဂန်ရွာသားများအား သတ်ဖြတ်ခဲ့ခြင်းအပေါ် အမျက်ဒေါသဖြစ်နေသော အာဖဂန် ကျောင်းသားများ လမ်းမပေါ်ထွက်ဆန္ဒပြခဲ့ကြပြီး နောက်ပိုင်း စုံစမ်းစစ်ဆေးရေးအဖွဲ့ ပစ်ခတ်ခံခဲ့ရခြင်းဖြစ်ပြီး အမေရိကန် ဆန့်ကျင်ရေးကို ပိုမိုအရှိန်ရစေခဲ့သည်။
ကဘူးလ်သို့သွားသည့် အဝေးပြေးလမ်းမကြီးကိုနှစ်နာရီခန့် ပိတ်ဆို့ကာ အမေရိကန်သမ္မတ အိုဘားမား၏ ပုံတူအရုပ်ကို မီးရှို့ပြီး ``အမေရိကန် ကျဆုံးပါစေ။´ `အိုဘားမားကျဆုံးပါစေ´ ဟူသော ကြွေးကြော်သံများဖြင့် ကြွေးကြော်ကြ လေသည်။

အမေရိကန်သမ္မတ အိုဘားမားကမူ အစွမ်းကုန်စုံစမ်းစစ်ဆေးခြင်းပြုလုပ်ပေးရန် ကတိပေးခဲ့လေသည်။
`အမေရိကန်နိုင်ငံသားတွေကိုယ်တိုင် သေဆုံးခဲ့ရသလိုပဲ ကျွန်တော်တို့ သဘောထားပါတယ်။ အပြစ်မဲ့ပြည်သူတွေ သေဆုံးခဲ့ရတဲ့အတွက် ကျွန်တော်တို့လည်း အလွန်စိတ်မကောင်းဖြစ်ရပါတယ်။´ ဟု အင်္ဂါနေ့က ပြောကြားခဲ့သည်။

အမေရိကန်ကာကွယ်ရေးဝန်ကြီး လီယွန်ပန်နက်တာက တရားခံကိုတရားဥပဒေနှင့် အညီစီရင်မည်ဖြစ်ပြီး အမေရိကန် စစ်ဥပဒေအရနှင့် ဆုံးဖြတ်မည်ဖြစ်ကြောင်း ပြော၏။ ပြစ်မှုထင်ရှားပါက သေဒဏ်ကျခံရမည်ဖြစ်ကြောင်း ဆိုသည်။

အဆိုပါကိစ္စအတွက် အမေရိကန်စစ်သားများအား ခေါင်းဖြတ်သတ်မည်ဟု တာလီဘန်တို့က ခြိမ်းခြောက်ပြော ဆိုလိုက်လေသည်။
`မူဂျာဟစ်ဒင်တွေက ဒီကိစ္စကိုလက်စားချေပါမယ်။ အလ္လာကလည်းကူညီပါလိမ့်မယ်။ လူသတ်သမားအမေရိကန်စစ်သားတွေဟာ ခေါင်းဖြတ်အသတ်ခံရမယ်လို့ အစ္စလာမ္မစ်စော်ဘွားနိုင်ငံတော်က အမေရိကန်တိရစ္ဆာန်တွေကို ထပ်ပြီး သတိပေးပြောကြားလိုက်ပါတယ်။´ တာလီဘန်ပြောရေးဆိုခွင့်ရ ဇဘီဟူလာမူဂျာဟစ်က အီးမေးလ်ပေးစာတွင် ခြိမ်းခြောက်ရေးသားထားသည်။

ယခုသတ်ဖြတ်မှုအတွက် အာဖဂန်တို့ဒေါသဖြစ်ကြသော်လည်း လွန်ခဲ့သောလက ကိုရမ်မီးရှို့မှုကြောင့် မကျေမနပ် ဆန္ဒပြကြသည့် အတိုင်းအတာထက် လျော့နည်းနေသေးသည်။

ကန်ဒါဟာပြည်နယ်မှ လွှတ်တော်ကိုယ်စားလှယ်တစ်ဦးဖြစ်သူ အဘ္ဘဒူလ်ရာမင်က ဤကိစ္စကို မည်သို့တုံ့ပြန်ရမည်ကို ဒေသခံများကြား စဉ်းစားနေဆဲဖြစ်ကြောင်း ပြော၏။
`သူတို့ဆုံးဖြတ်ပြီးပြီဆိုရင်တော့ ဘယ်စစ်တပ်၊ ဘယ်အင်အားကမှ သူတို့ကို တားဆီးလို့ရမှာ မဟုတ်တော့ ပါဘူး။´

အာဖဂန်ရှိ အမေရိကန်များအနေနှင့် သတိရှိရှိနေကြရန် ကဘူးလ်ရှိ အမေရိကန်သံရုံးက သတိပေးထားသည်။

Source: Al Jazeera

Posted in: အရှေ့ အလယ်ပိုင်း