အိုက်စလန် မီးတောင်ပေါက်ကွဲမှု

ဂရင်စဗိုတန် မီးတောင်ပေါက်ကွဲနေပုံ

အိုက်စလန်ရှိ ပေါက်ကွဲနိုင်ချေအမြင့်ဆုံးမီးတောင်မှာယခုအခါစတင်ပေါက်ကွဲနေပြီဖြစ်ပါတယ်။ ဒါပေမယ့် လေကြောင်းသွားလာမှု တွေကို မထိခိုက်နိုင်ပါဘူးလို့ ကျွမ်းကျင်သူတွေကပြောပါတယ်။
အိုက်စလန်အရှေ့တောင်ဘက်လူသူမရှိတဲ့ ဗက်နာဂျော့ကူးလ်ရေခဲလွှာအောက်က ဂရင်စဗိုတန်မီးတောင်ဟာ စနေနေ့က စတင် ပြီးတော့ ပေါက်ကွဲရာမှာ ငလျင်ငယ်လေးတွေလည်း လှုပ်ခတ်ခဲ့ပါတယ်။ လေထုထဲကို အဖြူရောင်မီးခိုးတွေ ၁၅ ကီလိုမီတာ လောက်မှုတ်ထုတ်နေပါတယ်လို့ မိုးလေဝသနဲ့ ဇလဗေဒ ဌာနကပြောကြားပါတယ်။
“ဒီပေါက်ကွဲမှုက ကြီးနိုင်ပါတယ်။ ဒါပေမယ့် မနှစ်က အိုင်းယက်ရယ်လာဂျိုကူးလ်မီးတောင်ပေါက်ကွဲသလောက်တော့ မီမှာမဟုတ်ပါဘူး” မိုဇလမှ ဘူမိပညာရှင် ဟျိုလီဖာဆဗိန်းဗြွန်ဆန်က ရိုက်တာသတင်းသို့ပြောပါတယ်။
လွန်ခဲ့သောနှစ် ၂၀၁၀၊ ဧပြီလက အိုင်းယက်ရယ်လာဂျိုကူးလ်မီးတောင်ပေါက်ကွဲစဉ်က မီးတောင်ပြာများ ကောင်းကင် ပေါ်သို့မှုတ်ထုတ်ခဲ့တာကြာင့် ကမ္ဘာတစ်ခွင်ခရီးသွား ၁၀ သန်းခန့်ခရီးသွားလာမှုများ ၅ ရက်ရပ်ဆိုင်းခဲ့ရပြီး ဥရောပနိုင်ငံ လေကြောင်း လိုင်းများလည်း မြေပြင်မှာရပ်နားထားခဲ့ရပါတယ်။
ဂရင်စဗိုတန်မီးတောင်မှာ ၂၀၀၄ ခုနှစ်က နောက်ဆုံးပေါက်ကွဲခဲ့ပြီး ပေါက်ကွဲချိန် တစ်ရက်မှ ရက်သတ္တပတ် ပေါင်းများစွာကြာမြင့်တတ်ပါတယ်။။ ယခုပေါက်ကွဲမှုမှာ ကြီးမားနိုင်ချေမရှိကြောင်း၊ လေကြောင်းသွားလာမှုကိုထိခိုက်နိုင်မှု မရှိကြောင်း သိပ္ပံပညာရှင်များက ခန့်မှန်းထားပါတယ်။
ဒါပေမယ့် ရာသီဥတုအခြေအနေကတော့ဘယ်လိုရှိမယ်ဆိုတာ မီးတောင်ပေါက်ကွဲမှုဘယ်လောက်ကြာမလဲ၊ မီးတောင် ပြာများ ကောင်းကင်ပေါ်မြင့်တက်မှုဘယ်လောက်ရှိမလဲ၊ လေက ဘယ်ဘက်ကို တိုက်ခတ်မလဲဆိုတာတွေအပေါ်မူတည်ပါတယ်။
အိုက်စလန်က လေကြောင်းပစ္စည်းဖြည့်ဆည်းရေးနှင့် လေကြောင်းပြကုမ္ပဏီတစ်ခုဖြစ်တဲ့ အိုက်ဆာဗီးယားကတော့ မီးတောင်ပေါက်ကွဲရာမှ ၂၂ဝ ကီလိုမီတာအတွင်း မပျံသန်းရဇုံအဖြစ်ကြေငြာခဲ့ပါတယ်။
“မီးတောင်ပြာတွေဟာ ဂျက်လေယာဉ်ပျံသန်းတဲ့ အမြင့်အထိရောက်ရှိနေပါပြီ။ အိုက်စလန်လေကြောင်းထိန်းသိမ်းရေး ပိုင်နက်ထဲဖြတ်သန်းပျံမယ့်လေယာဉ်တွေအတွက် ဒီညတောင်ဘက်ကိုဦးတည်ပျံသန်းဖို့ အစီအစဉ်တွေချပြီးပါပြီ။” မီးတောင် ပေါက်ကွဲမှုနဲ့ ပတ်သက်ပြီးပျံသန်းရေးအစီအစဉ်တွေကို အိုက်ဆာဗီယာကုမ္ပဏီပြောခွင့်ရပုဂ္ဂိုလ်က ပြောပြပါတယ်။
အိုက်စလန်တက္ကသိုလ်က ကျွမ်းကျင်သူပညာရှင်တွေဟာ အိုက်စလန်ကမ်းခြေစောင့်တပ်လေယာဉ်နဲ့ မီးတောင်ပေါက်ကွဲရာကိုသွားရောက်ပြီးတော့ လေ့လာစုံစမ်းကြပါလိမ့်မယ်။

Source: Al Jazeera

Posted in: ပစိဖိတ်