နိုင်ငံတစ်နိုင်ငံအဖြစ် အပြည့်အဝအသိအမှတ်ပြုရေး ကုလတွင် ပါလက်စတိုင်းကြိုးပမ်း

မာမွတ်အာဘက်

နောက်လာမည့် အပတ်အတွင်း ပါလက်စတိုင်းအာဏာပိုင် (PA) အဖွဲ့သည် ကုလသမဂ္ဂလုံခြုံရေးကောင်စီတွင် အပြည့်အဝအဖွဲ့ဝင်နိုင်ငံ တစ်နိုင်ငံဖြစ်ရေးအတွက် ကြိုးစားသွားမည်ဖြစ်သည်။ အမေရိကန်က ဗီတိုအာဏာဖြင့် ပယ်ချမည့်ခြိမ်းခြောက်မှုရှိနေသော်လည်း ပါလက်စတိုင်းက ကြိုးပမ်းသွားမည်ဟု တာဝန်ရှိသူများက အင်္ဂါနေ့ကပြောကြားလိုက်သည်။
အင်္ဂါနေ့က ရာမာလာတွင်ကျင်းပသောသတင်းစာရှင်းလင်းပွဲတွင် ဖာတာဗဟိုကော်မီတီဝင် တစ်ဦးဖြစ်သူ မိုဟာမက်ရှတေယား ကကြေငြာခဲ့သည်။ ယင်းကြေငြာချက်ကို ထုတ်ပြန်လိုက်သဖြင့် PA ၏ သံတမန်ရေးရာနည်းဗျူဟာအရ ကြိုးပမ်းမှုများ ကိုရပ်တန့် လိုက်ပြီဟုယူဆရသည်။
“ကျွန်တော်တို့ ကုလသမဂ္ဂကို တက်ပြီး လုံခြုံရေးကောင်စီမှာ အရေးဆိုမှာ ဖြစ်ပါတယ်။ ၁၉၆၇ ခုနှစ်စာချုပ်ပါ ပါလက်စတိုင်း နယ်နိမိတ်အတိုင်း အဖွဲ့ဝင်နိုင်ငံတစ်နိုင်ငံဖြစ်ဖို့ တောင်းဆိုသွားမှာ ဖြစ်ပါတယ်။” ဟု ပြောကြားခဲ့သည်။

သောကြာနေ့ညတွင် ရာမာလာ၌ PA ၏ ဥက္ကဋ္ဌ မာမွတ်အာဘက်က တောင်းဆိုမှုနှင့်ပတ်သက်၍ ရှင်းလင်းချက် မိန့်ခွန်းကို ပြောကြားမည်ဖြစ်သည်။ ကုလသမဂ္ဂက ပါလက်စတိုင်းကို နိုင်ငံတစ်နိုင်ငံအဖြစ် အပြည့်အဝအသိအမှတ်ပြုလိုက်လျှင် ပါလက်စတိုင်းအနေဖြင့် ကုလသမဂ္ဂတွင် မဲပေးခွင့်၊ အပြည်ပြည်ဆိုင်ရာ တရားရုံးတွင် ပါဝင်နိုင်ခွင့်နှင့် အခြားသော ကမ္ဘာလုံးဆိုင် ရာ အဖွဲ့အစည်းများတွင် ပါဝင်ပတ်သက်ခွင့်ရရှိမည်ဖြစ်သည်။
နိုင်ငံပေါင်း ၁၂၀ ကျော်က ပါလက်စတိုင်းကို အသိအမှတ်ပြုရေးအတွက် ထောက်ခံပေးမည်ဟု ကတိကဝတ်ပေးထားသော်လည်း လုံခြုံရေးကောင်စီတွင် ထောက်ခံမဲ သုံးပုံနှစ်ပုံရရှိရန် အနည်းငယ်အခက်အခဲရှိနေသေးကြောင်း ပါလက်စတိုင်းစေ့စပ်ညှိနှိုင်းရေး မှူး ဆာအက်ဘ်အီရာကက်မှ ပြောကြားခဲ့သည်။
သို့သော် အမေရိကန်အိမ်ဖြူတော်နှင့် တာဝန်ရှိသူများက လုံခြုံရေးကောင်စီ၏ သဘောတူညီချက်ရရှိလည်း အမေရိကန်က ဗီတို အာဏာသုံးစွဲမည်ဖြစ်ကြောင်း ပြောဆိုပြီးဖြစ်သည်။
သို့သော် ပါလက်စတိုင်းအနေနှင့် အဖွဲ့ဝင်မဟုတ်သော လေ့လာသူနိုင်ငံအဖြစ် ဗာတီကန်နိုင်ငံနှင့် တန်းတူသော အခွင့်အရေးမျိုး ရရှိနိုင်သည်။ သို့သော် နောက်ပိုင်းတွင် မည်သို့သော အပြောင်းအလဲများနှင့် ကြုံတွေ့ရမည်ကိုမူ အသေအချာမသိနိုင်ပေ။ အချို့က အမေရိကန်၏ ဗီတိုအာဏာသုံးစွဲမှုကို ရှောင်ရှားနိုင်ရန် ပါလက်စတိုင်းအာဏာပိုင်အဖွဲ့အနေနှင့် အထွေထွေညီလာခံကို တိုက်ရိုက်တက်ရောက်အရေးဆိုသင့်ကြောင်း ဆိုသည်။

ကုလသမဂ္ဂမှ အသိအမှတ်ပြုလိုက်လျှင်တောင်မှ ပါလက်စတိုင်းတို့အနေနှင့် အပြောင်းအလဲကြီးကြီးမားမားနှင့် တွေ့ကြုံရဦးမည် မဟုတ်ကြောင်း ရှတေယာက ပြောကြားခဲ့သည်။
“အခြေခံအားဖြင့်တော့ အများကြီးပြောင်းလဲမှာ မဟုတ်ပါဘူး။ နိုင်ငံရေးအဆင့်အတန်းအရပဲ အပြောင်းအလဲတွေ ဖြစ်မှာပါ။ ပါလက်စတိုင်းက ကုလသမဂ္ဂမှာ ပါဝင်ခွင့်ရမယ်။ ပါလက်စတိုင်းနယ်မြေတွေကိုလည်း အငြင်းပွားနယ်မြေအဖြစ်သတ် မှတ်မှာ မဟုတ်တော့ပဲ ကျူးကျော်သိမ်းပိုက်ခံနယ်မြေအဖြစ်သတ်မှတ်ခြင်းခံရမှာပါ။”
ပါလက်စတိုင်းအာဏာပိုင်အဖွဲ့အနေနှင့် အမေရိကန်ပြည်ထောင်စုမှ ဗီတိုအာဏာ သုံးစွဲလာလျှင် မည်သို့တုံ့ပြန်ရမည်ကို မသိ သေးကြောင်းဆို ရှတေယာက ဆိုသည်။ အထွေထွေညီလာခံကြီးတွင် အသည်းအသန်တောင်းဆိုရဖွယ်ရှိပြီး သို့မဟုတ်ပါက လည်း လုံခြုံရေးကောင်စီတွင် ပြန်လည်တောင်းဆိုရမည့်အနေအထားဖြစ်သည်။
အမေရိကန်ပြည်ထောင်စုနှင့် အချို့နိုင်ငံများက နောက်ဆုံးမိနစ်အထိ ကပျက်ကယက်ပြုနေသော်လည်း ပါလက်စတိုင်းက ဆက်လက်ကြိုးစားသွားမည်ဖြစ်ကြောင်း ယခုကြေငြာချက်အားဖြင့်အသိပေးလိုက်ခြင်းဖြစ်သည် ။
နောက်တစ်ပတ်တွင် ဥက္ကဋ္ဌအာဘက် နယူးယောက်သို့ရောက်ရှိသည်နှင့် ဒုက္ခသည်အရေး၊ နယ်စပ်အရေး၊ အနောက်ဘက်ကမ်း တွင် အစ္စရေးလ်တရားမဝင်အိမ်ယာများဆောက်လုပ်နေသော အရေးများနှင့် ပတ်သက်ပြီး တရားဝင်စာရွက်စာတမ်းများဖြင့် တင်ပြသွားမည်ဖြစ်သည်။
ဂါဇာရှိ ဟားမားအဖွဲ့ တာဝန်ရှိသူ ဆာလာဘာဒါဝီက အာဘက်သည် ဟားမားနှင့် ပြောဆိုတိုင်ပင်ခြင်းမရှိဘဲ ယခုတောင်းဆိုလှုပ် ရှားမှုကို ဆောင်ရွက်ခဲ့သည်ဟု အပြစ်တင်ပြောကြားခဲ့သည်။

ပါလက်စတိုင်း၏ ဆောင်ရွက်မှုကို အစ္စရေးလ်က တိုက်ရိုက်ပြောကြားခြင်းမရှိခဲ့သော်လည်း ဝန်ကြီးချုပ်၏ ပြောရေးဆိုခွင့်ရ မာ့လ်ရီဂတ်ဗ်က ပါလက်စတိုင်း၏ အရေးဆိုမှုကို ဆန့်ကျင်ပြောကြားလိုက်သည်။
“ကုလသမဂ္ဂကနေပြီးတော့ စာရွက်လေး တစ်ရွက်နှစ်ရွက်လောက်ပဲ သူတို့ရမှာပါ။ လွတ်လပ်တဲ့ နိုင်ငံတစ်နိုင်ငံအဖြစ် အပြည့်အဝ အသိအမှတ်ပြုမှုတော့ရမှာ မဟုတ်ပါဘူး။” ဟု အယ်လ်ဂျာဇီယာနှင့် တွေ့ဆုံခန်းတွင်ပြောကြားခဲ့သည်။
အမေရိကန်နိုင်ငံခြားရေးဝန်ကြီးဌာနက အင်္ဂါနေ့က ကြေငြာချက်ခပ်တိုတို တစ်စောင်ထုတ်ပြန်ခဲ့ပြီး “ဒီဆောင်ရွက်မှုဟာ နှစ်နိုင်ငံ စေ့စပ်ဆွေးနွေးရေးစားပွဲဝိုင်းပေါ်ကို ပြန်ရောက်ဖို့ အတွက် ဘယ်လိုမှ အထောက်အကူမပြုပါဘူး။” ဟုဆိုသည်။

Source: Al Jazeera

Posted in: အရှေ့ အလယ်ပိုင်း