ဆော်ဒီတွင် အမျိုးသမီးများကားမောင်းခွင့်ပိတ်ပင်ထားသော်လည်း မဲပေးခွင့်ရတော့မည်

ဆော်ဒီအာရေဗျနိုင်ငံတွင် အမျိုးသမီးများကားမောင်းခွင့်ပိတ်ပင်ထားမှုကို ချိုးဖေါက်၍ ကားမောင်းခဲ့သော အမျိုးသမီးတစ်ဦးကို ဆော်ဒီတရားရုံးတစ်ရုံးက ကြိမ်ဒဏ်ဆယ်ချက် ရိုက်နှက်အပြစ်ပေးခဲ့ကြောင်း အပြည်ပြည်ဆိုင်ရာလွတ်ငြိမ်းချမ်းသာခွင့်အဖွဲ့ ကြီး က ပြောသည်။
အဆိုပါကြိမ်ဒဏ်သည် ဆော်ဒီဘုရင် အဘ္ဘဒူလာဘင်အဘ္ဘဒူလာဇစ်မှ လာမည့် ၂၀၁၅ ရွေးကောက်ပွဲတွင် ဒေသဆိုင်ရာရွေး ကောက်ပွဲများတွင် အမျိုးသမီးများ မဲပေးခွင့်၊ ဝင်ရောက်အရွေးချယ်နိုင်ခွင့်တို့ ရရှိမည်ဟု ကြေငြာပြီး နှစ်ရက်အကြာတွင် ပေါ် ပေါက်ခဲ့ခြင်းဖြစ်သည်။

ထို့ပြင်လာမည့် ၂၀၁၃ တွင် ခန့်အပ်မည့် အကြံပေးအဖွဲ့တွင်လည်း အမျိုးသမီးများပါဝင်ခန့်ထားမည်ဟု ကတိပေးခဲ့သည်။
“ဘယ်လိုအခြေအနေမျိုးမှာမဆို ကြိမ်ဒဏ်ပေးခြင်းဆိုတာ အင်မတန်ရက်စက်တဲ့ ပြစ်ဒဏ်ပေးမှုမျိုးဖြစ်ပါတယ်။ ဆော်ဒီ အာဏာပိုင်တွေက အမျိုးသမီးတွေကို ကားမောင်းရုံလေးသက်သက်နဲ့ ကြိမ်ကြိမ်ဒဏ်ခတ်နေတယ် ဆိုတာက မယုံကြည်နိုင် လောက်အောင်ပါပဲ။” ဟု အပြည်ပြည်ဆိုင်ရာလွတ်ငြိမ်း အဖွဲ့ကြီး၏ ဒေသဆိုင်ရာ ဒါရိုက်တာ ဖိလစ်လူသာက အင်္ဂနေ့တွင် ထုတ်ပြန်သော ကြေငြာချက်တစ်စောင်တွင် ဖေါ်ပြခဲ့သည်။
“ရွေးကောက်ပွဲမှာ အမျိုးသမီးတွေကို မဲပေးခွင့်ပေးလိုက်တာကတော့ အင်မတန်ကောင်းပါတယ်။ ဒါပေမယ့် သူတို့ရဲ့ အခွင့်အရေးတွေအတွက် ကြိုးစားနေကြတဲ့ အမျိုးသမီးတွေကို ကြိမ်ဒဏ်ပေးနေတာတွေဆက်လက်ရှိနေဦးမယ်ဆိုရင်တော့ ဘုရင်ကြီးရဲ့ပြုပြင်ပြောင်းလဲရေးဆိုတာက သိပ်နည်းနေပါသေးတယ်။”

နောက်ထပ်ဆော်ဒီအမျိုးသမီးနှစ်ဦးကိုလည်း ကားမောင်းမှုဖြင့် တရားစွဲဆိုထားကြောင်း ဗြိတိန်အခြေစိုက် အခွင့်အရေးအဖွဲ့ တစ်ခုကပြောသည်။

ကားမောင်းမှုရင်ဆိုင်နေရသူ အမျိုးသမီးတစ်ဦးဖြစ်သော နာဂျလာဟာရီရီက ရိုက်တာသတင်းသို့ အောက်ပါအတိုင်းပြောသည်။
“ဘုရင့်အမိန့်ကို ဖီဆန်မှုနဲ့ မေးမြန်းစစ်ဆေးဖို့ တနင်္ဂနွေနေ့က ကျွန်မကို ခေါ်ခဲ့ပါတယ်။ ကျွန်မကားမောင်းတာက လိုအပ် လို့မောင်းခဲ့တာပါ။ ဖီဆန်အန်တုပြီးမောင်းတာ မဟုတ်ပါဘူး။ ဒါပေမယ့် နောက်ထပ်မမောင်းတော့ပါဘူး ဆိုတဲ့ ကတိဝန်ခံချက် လက်မှတ်ထိုးခဲ့ရတယ်။”

ဆော်ဒီဥပဒေအရ အမျိုးသမီးတစ်ဦးသည် အလုပ်လုပ်နိုင်ရန်၊ နိုင်ငံခြားသို့ ခရီးသွားနိုင်ရန်၊ အချို့သော ခွဲစိတ်ကုသမှုများခံယူရန် အမျိုးသားတစ်ဦး၏ လမ်းညွှန်ခွင့်ပြုချက်ရှိရမည်ဖြစ်သည်။ အမျိုးသမီးများ ကားမမောင်းရဟူ၍ ရေးသားပြဋ္ဌာန်းထားသော ဥပဒေ တော့မရှိပေ။ သို့သော် နိုင်ငံသားတစ်ဦးအနေနှင့် ဒေသတွင်းမှ ထုတ်ပေးသော ယာဉ်မောင်းလိုင်စင်ရှိရမည်ဖြစ်သည်။

အမျိုးသမီးများကို ယာဉ်မောင်းလိုင်စင်ထုတ်ပေးခြင်းမရှိပေ။ ထို့ကြောင့် အမျိုးသမီးများကားမောင်းခြင်းသည် တရားဥပဒေနှင့် မညီဟု သတ်မှတ်နိုင်ပေသည်။

မေလအတွင်းက ဒီမိုကရေစီလှုပ်ရှားမှုများဒေသတွင်းပေါ်ပေါက်လာခဲ့သော အခါ ဆော်ဒီအမျိုးသမီးများကလည်း သူတို့ကားမောင်းခွင့်အတွက် တောင်းဆိုလှုပ်ရှားမှုများပြုလုပ်ခဲ့လေသည်။

ဖေ့စ်ဘွတ်နှင့် တွစ်တာ စသည့် လူမှုကွန်ယက်ဝက်ဘ်ဆိုက်များတွင် Women2Drive ဟူသော အမည်ဖြင့် အမျိုးသမီးများ ကားမောင်းခွင့်ကို ပိတ်ပင်ထားခြင်းကို ဆန့်ကျင်ရေးစည်းရုံးလှုံ့ဆော်မှု များပေါ်ပေါက်လာခဲ့သည်။
ထိုအခါ အချို့သောအမျိုးသမီးများက ဂျက်ဒါးမြို့လမ်းများပေါ်တွင် သူတို့ကားမောင်းနှင်ခဲ့ကြောင်း သတင်းများကို တင်ပြကြ လေသည်။ ရီယာ့နှင့် ကိုဘာမြို့များတွင်လည်း အမျိုးသမီးများကားမောင်းခြင်းကို ရဲများက တားဆီးပြီး နောက်တစ်ခါမမောင်း ရန် လက်မှတ်ထိုးခိုင်းကြောင်း စသည့်သတင်းများကို ရေးသားတင်ပြကြလေသည်။

ယူကျုဗွီဒီယိုတွင် သူမကားမောင်းခဲ့ပုံကို လွှင့်တင်ခဲ့သော မန်နယ်အယ်လ်ရှာရစ် ဆိုသူအမျိုးသမီးကို မေလ ၂၂ ရက်က ဖမ်းဆီး ခဲ့သည်။ နောက်ပိုင်းသူမကို ပြန်လည်လွှတ်ပေးခဲ့သော်လည်း အမျိုးသမီးအများစုမှာ ကားမောင်းခြင်းကို မပြုဝံ့ကြတော့ပေ။

“ကျွန်မအင်မတန် စိတ်မကောင်းဖြစ်မိပါတယ်။ အမျိုးသမီးတွေဟာ သူတို့တောင်းဆိုချက်တွေ မရနိုင်ဘူးဆိုတဲ့ အကြောင်းကို ရိုက်သွင်းခံလိုက်ရသလိုပါပဲ။” ဟု ဘာဒါလီ (ကျွန်ုပ်၏ တိုင်းပြည်) အမည်ရ လှုပ်ရှားမှုဆောင်ရွက်နေသော တက်ကြွလှုပ်ရှားသူ နိုင်လာအက်တာ ကဆိုသည်။
“အခုကျွန်မတို့ ကြိမ်ဒဏ်ခတ်ခြင်းကို ရပ်ဆိုင်းပေးဖို့ လက်မှတ်ရေးထိုးတောင်းဆိုချက်တွေ စုဆောင်းပြီး ဘုရင်ကြီးဆီမှာ တင်ပြဖို့လုပ်နေပါတယ်။”

Source: Al Jazeera

Posted in: အရှေ့ အလယ်ပိုင်း