တရုတ်အစိုးရကို ဆက်လက်ဝေဖန်သွားမည်ဟု အိုင်ဝေေ၀ပြော

ကမ္ဘာကျော်တရုတ်လူမျိုးဒီဇိုင်းပညာရှင် အိုင်ဝေေ၀ကို တရုတ်အစိုးရက အခွန်ငွေဒေါ်လာ ၂.၃ သန်းပေးဆောင်ရန် ရှောင်တိမ်းမှုဖြင့် စွပ်စွဲထားပြီး ရှင်းလင်းပေးရန်တောင်းဆိုထားမှုသည် နိုင်ငံရေးအရ သူ့ကိုနှိပ်ကွပ်ခြင်းဖြစ်ကြောင်း ပြောဆိုလိုက်ပြီး နိုင်ငံရေးအရပြောဆိုရန်ရှိသည်များကို ဆက်လက်ထုတ်ဖေါ်ပြောဆိုသွားမည်ဖြစ်ကြောင်း အယ်ဂျာဇီ ယာနှင့်တွေ့ဆုံခန်းတွင်ပြောကြားလိုက်သည်။
အိုင်ဝေေ၀သည် တရုတ်ကွန်မြူနစ်အစိုးရကို ဝေဖန်မှုဖြင့်ထင်ရှားခဲ့ပြီး အစိုးရအတိုက်အခံအဖြစ်ထင်ရှားလာကာ ဆက်လက်ဝေဖန်ပြောဆိုမှုများကို တာဝန်တစ်ရပ်အနေနှင့် ခံယူဆောင်ရွက်သွားမည်ဖြစ်ကြောင်း ဆိုသည်။
ကိုယ်ရေးကိုယ်တာအခက်အခဲများရှိသော်လည်း `ကျွန်တော့်ကိုကူညီချင်တယ်ဆိုရင် အမှန်တရားပေါ်ထွက်လာ အောင် ပြုလုပ်ပေးဖို့ပဲဖြစ်ပါတယ်။´ ဟု တယ်လီဖုန်းဖြင့်အင်တာဗျူးရာတွင် ပြောကြားခဲ့သည်။

ယခုနှစ်အစောပိုင်းက တရုတ်ကွန်မြူနစ်အစိုးရက သူ့ကို ၈၁ ရက်အကြာ ထိန်းသိမ်းထားခဲ့ပြီး သူ့အနေနှင့် အစိုးရကို ဝေဖန်သောစကားများပြောကြားရန်အရေးကြီးကြောင်း၊ အဘယ်ကြောင့်ဆိုသော် အခြားသူများမှာ အကြောက်တရား များရှိနေပြီး ထုတ်ဖေါ်ပြောဆိုရန်လည်း အခွင့်မသာရှိနေကြောင်းဆိုသည်။
သူ့အပေါ်အစိုးရက အခွန်ကိစ္စစွပ်စွဲထားခြင်းမှာ ငွေရေးကြေးရေးသက်သက်ကြောင့်မဟုတ်ဘဲ လက်ရှိတရုတ်အစိုးရ ၏ တရားရေးစံနစ်အရ မတော်မတရားပြုမှုသာဖြစ်ကြောင်းဆိုသည်။

`တရားဥပဒေကို သူတို့တွေကိုယ်တိုင်က လိုက်နာမှုမရှိ ၊ တိကျတဲ့စံနစ်ဆိုတာမရှိ၊ ပွင့်လင်းမြင်သာမှုမရှိ၊ လူထုပြောဆိုဆွေးနွေးမှုတွေမရှိတဲ့ တိုင်းပြည်တစ်ပြည်က ဘယ်လိုဆက်လက်ရပ်တည်နိုင်ပါ့မလဲ။´ ဟု ဆိုသည်။
သူ့ကိုဖမ်းဆီးထိန်းသိမ်းခဲ့ခြင်းနှင့်ပတ်သက်၍ အိုဝေေ၀က အစိုးရကသူ့ကို ခေါ်ယူဆွေးနွေးခြင်းမဟုတ်ပဲ နိုင်ငံတော် အချုပ်အခြာအာဏာကို ဘယ်လိုမှေးမှိန်အောင် လုပ်ခဲ့သလဲဆိုတဲ့ အပေါ်မှာပဲ မေးခွန်းများထုတ်ခြင်းဖြစ်ကြောင်း ဆိုသည်။

သူ့ကိုစွပ်စွဲခဲ့သောအချက်များနှင့်ပတ်သက်၍တိကျခိုင်လုံသော အချက်အလက်များလည်းမရှိကြောင်းဆိုသည်။ သူ့၏ ငွေကြေးများကိုထိန်းသိမ်းပေးထားသော Beijing Fake Cultural Development Ltd., ကိုအစိုးရက စုံစမ်းစစ်ဆေးမှုများ ပြုလုပ်လျှက်ရှိပြီး ယင်းကုမ္ပဏီတွင် အိုင်ဝေေ၀က မန်နေဂျာအဖြစ်ဆောင်ရွက်နေခြင်းမရှိတော့ကြောင်းဆိုသည်။

ယခုကဲ့သို့ငွေရေးကြေးရေးကိစ္စဖြင့် စွပ်စွဲရခြင်းမှာ အစိုးရကိုဝေဖန်ပြောဆိုခြင်းအတွက် သင်ခန်းစာပေးသည့်အနေနှင့် သူ့ကို လူအများက လူဆိုး၊ လူညစ်အဖြစ်ထင်မြင်သွားအောင်ပြုလုပ်ခြင်းဖြစ်ကြောင်း သူ့ကိုစုံစမ်းစစ်ဆေးသူများက ပြောကြားခဲ့သည်ဟု အိုင်ဝေေ၀ ကဆိုသည်။

Source: Al Jazeera

Posted in: အာရှပစိဖိတ်