တူရကီတွင် အကျဉ်းထောင်မီးလောင်မှုဖြစ်ပွား၊ ၁၃ ဦးသေဆုံး

တူရကီအရှေ့တောင်ပိုင်းရှိ အကျဉ်းသား ၁ ၀၀၀ ခန့်ရှိသော အကျဉ်းထောင်တစ်ခုတွင် မီးလောင်မှုဖြစ် ပွားခဲ့ရာ အကျဉ်းသား ၁၃ ဦးခန့်သေဆုံးခဲ့သည်။ အခင်းဖြစ်ပွားခဲ့သည့် နေရာမှာ ဆန်လူအာဖာ အကျဉ်းထောင်ဖြစ်သည်။ မီးလောင်မှုဖြစ်ပွားရခြင်းအကြောင်းရင်းမှာ အကျဉ်းသားများက ၎င်းတို့၏ စောင်များ၊ အိပ်ယာခင်းများကို မီးရှို့ခဲ့ခြင်းကြောင့်ဖြစ်ပြီး မီးခိုးငွေ့များကြောင့် အသက်ရှုကြပ်ကာ သေဆုံးခဲ့ရခြင်းဖြစ်သည်။ သေဆုံးသူများ အပြင် အခြား ၅ ဦးကိုလည်း ဆေးရုံသို့တင်ပို့ကာ ကုသထားကြောင်း မြို့တော်ဝန် ဆယ်လာလက်တင်ဂူ ဗန့် ကပြောသည်။ အကျဉ်းသား ၁၈ ဦးစုပေါင်းနေထိုင်သည့် အခန်းတွင်စတင်လောင်ကျွမ်းခဲ့ခြင်းဖြစ်ပြီး အခြားနေရာများသို့ ကူးစက်လောင်ကျွမ်းခြင်းမရှိမီ မီးငြှိမ်းသတ်နိုင်ခဲ့သည်။ အကျဉ်းသားအချင်းချင်း ရန်ဖြစ်ရာမှ မကျေမနပ် ဖြစ်ပြီး မီးရှို့ခဲ့ခြင်းဖြစ်ကြောင်း တူရကီဝန်ကြီးချုပ် ရီဆက်တေယစ်အာဒိုဂန်က ပြောသည်။ `အကျဉ်းသားများပြားနေပြီး အခန်းနှင့် အကျဉ်းသားဦးရေမမျှတတဲ့ အခြေအနေတွေဖြစ်နေတဲ့ အကြောင်း မြို့တော်ဝန်က ကျွန်တော့်ကို ပြောပါတယ်။` ဟု အာဒိုဂန်က ဆိုသည်။ ဆန်လူအာဖာအကျဉ်းထောင်တွင်နိုင်ငံရေးအကျဉ်းသားများအဖြစ် ငြိမ်းချမ်းရေးနှင့် ဒီမိုကရေစီပါတီ (BDP) မှ အမတ်များကိုလည်း ဖမ်းဆီးထားရှိသည်။ အကျဉ်းထောင်တွင်းမီးလောင်မှုဖြစ်ပွားပြီး လူသေပျောက်မှု များဖြစ်ပွားခဲ့သောကြောင့် အကျဉ်းကျနေသူများ၏ မိသားစုများလည်း အကျဉ်းထောင်ရှေ့တွင် လာရောက် စုရုံးလျက်ရှိရာ စစ်ရဲများနှင့် ရဲသားအများအပြားကို လုံခြုံရေးအတွက် စေလွှတ်ထားသည်။ အကျဉ်းထောင်သို့သွားရာလမ်းကို ရဲများက ပိတ်ဆို့ထားပြီး သေဆုံးသူအကျဉ်းသားများ၏ အမည်များကို ထုတ်ဖေါ်ပြောကြားရန် ဒေါသတကြီးတောင်းဆိုနေသော မိသားစုဝင်များကို ရဲများက ငရုပ်ကောင်းဖြန်း ဆေးဖြင့် ပက်ဖြန်းကာ လူစုခွဲခဲ့သည်။ အကျဉ်းထောင်တွင်း၌ စုံစမ်းစစ်ဆေးမှုများ ပြုလုပ်နေဆဲဖြစ်သည်။ Source: Al Jazeera

Posted in: ဥရောပ