9:08 PM
HRDP NEWS WORLD
အမေရိကန်နိုင်ငံ ဖီးနစ်မြို့တွင် အင်္ဂါနေ့က ပြင်းထန်သော သဲမုန်တိုင်းကြီးတစ်ခု တိုက်ခတ်ခဲ့ရာ ပတ်ဝန်းကျင် တစ်ခုလုံး မမြင်နိုင်အောင် ဖုံးလွှမ်းသွားခဲ့သဖြင့် လေယာဉ် ခရီးစဉ်များ ရွှေ့ဆိုင်းခဲ့ရသည်။ လေတိုက်ခတ် မှုကြောင့် သစ်ပင်များ ပြိုလဲခဲ့ပြီး လျှပ်စစ်မီး များလည်း ပြတ်တောက်ခဲ့သည်။
အဆိုပါ သဲမုန်တိုင်းသည် တပ်စ်ကွန်တွင် တိုက်ခတ်ခဲ့သော မုန်တိုင်းမှ အစပြု ပေါ်ပေါက်လာခြင်း ဖြစ်ကြောင်း၊ ထို့နောက် မုန်တိုင်းသည် မြောက်ဘက် သဲကန္တာရထဲသို့ ရွေ့လျားသွားမည် ဖြစ်ကြောင်း အမျိုးသား မိုးဇလဌာနမှ ပေါလ်အင်နီဂတ်စ်က ပြောသည်။
တောင်ကြားဒေသရှိ ဖီးနစ်မြို့သို့ မုန်တိုင်း ရောက်မလာမီက ရေဒါတွင် မြင်တွေ့ရသော မုန်တိုင်းနှင့် အတူပါ သဲများမှာပေ ၈,၀၀၀ မှ ၁၀,၀၀၀ အထိ မြင့်ကြောင်း သူက ဆက်လက် ပြောပြသည်။ တောင်ကြားဒေသသို့ ရောက်ရှိလာခါနီးတွင် အမြင့်ပေ ၅,၀၀၀ခန့်သို့ ရောက်ရှိသွားကြောင်း ဆိုသည်။ မုန်တိုင်းသည် အချို့ နေရာများတွင် မိုင် ၅၀ ခန့် အထိ ကျယ်ဝန်းပြီး ညအချိန်တွင် မြို့ကို ခဏမျှ ဖုံးလွှမ်းသွားခဲ့ကြောင်း ဖီးနစ်ရုပ်သံ KSAZ-TV က ကြေငြာခဲ့သည်။
“ဒီမှာနေပြီး မုန်တိုင်း အတော်များများကို တွေ့ကြုံဖူးတဲ့ လူတွေက ဒီမုန်တိုင်းက သူတို့ မြင်ဖူးသမျှထဲမှာ အဆိုးဆုံးလို့ ပြောကြပါတယ်။” ဟု အင်နီဂတ်စ်က ပြောသည်။
အဆိုပါ မုန်တိုင်းသည် အရီဇိုးနား မုတ်သုံရာသီ၏ အစိတ်အပိုင်း တစ်ခုဖြစ်ပြီး ဇွန်လ အလယ်မှစ၍ စက်တင်ဘာ ၃၀ကြာမြင့်မည်။
လေတိုက်ခတ်မှုနှုန်း တစ်နာရီမိုင် ၆၀နှုန်း တိုက်ခတ်ပြီး သဲများကို သယ်ဆောင်ကာ ဖီးနစ်မြို့ကို ဖြတ်ကာ အနီးပတ်ဝန်းကျင် မြို့များဖြစ်သော အေဗွန်ဒဲလ်၊ တမ်ပီနှင့် စကော့ဒဲဒေး မြို့များကို ဖြတ်သန်း တိုက်ခတ်မည် ဖြစ်ကြောင်း အမျိုးသား မိုးဇလဌာနက ပြောကြားသည်။
ဒေသတွင်းရှိ မြို့ပေါင်း ၁၂ မြို့ ကျော်တွင်လည်း ည ၁၁နာရီ အထိ မိုးကြိုးမုန်တိုင်းများ ကျရောက်ခဲ့ကြောင်း ဆိုသည်။
Salt River Project ကုမ္ပဏီမှ လျှပ်စစ်မီးကို သုံးစွဲနေသော လူပေါင်း ၈,၀၀၀ ခန့် လျှပ်စစ်မီး ပြတ်တောက်မှုနှင့် ကြုံတွေ့ခဲ့ရ ကြောင်း KNXV-TV က ကြေငြာခဲ့သည်။
ပတ်ဝန်းကျင် မြင်ကွင်း ကြည်လင်ခြင်း မရှိသောကြောင့် လပ်စ်ဗီးဂတ်စ်နှင့် လော့စ်အိန်ဂျလိစ် မြိုများမှ ဖီးနစ်သို့ ထွက်ခွါလာမည့် လေယာဉ်များကို ည ၉ နာအထိ ထွက်ခွါခွင့် မပြုခဲ့ကြောင်း၊ လေယာဉ်များ မြေပြင်ပေါ်တွင် တစ်နာရီခန့် စောင့်ဆိုင်းခဲ့ရကြောင်း ပြည်ထောင်စု လေကြောင်း အုပ်ချုပ်ရေး ဌာနမှ ဆိုသည်။
Source: Fox News
Posted in: အမေရိက
0 comments:
Post a Comment